日本新出扭蛋玩具！超得意入閘機 細節位夠逼真！｜日本旅遊｜放假去邊

去日本旅行，好似到處都見到扭蛋機～

每次經過都見到啲好有創意嘅玩具！

最近又有新發現，就係呢個自動入閘機！

呢款係日本鐵路嘅自動入閘機，

有黑色同藍色，兩隻色都分別有車票同IC交通儲值卡版本～

唔單止咁，扭到兩個仲可以自行組成一個閘口！

細節位都做得好認真，連閘都可以自由開關㗎！

望著呢個閘機，日本旅行嘅回憶都返哂嚟啊！

真係好得意～

小編好想要返一套～～

希望香港快啲有得扭啦！

Bandai自動入閘機扭蛋
推出日期：2020年12月底
價錢：500日圓
尺寸：85mm x 20mm x 50mm
詳情：㩒呢度