【伊朗】霍爾木茲島圓頂建築群~ 超夢幻彩色童話村落!|外國趣聞|放假去邊

Mar 9, 2022 | Uncategorized

伊朗可能大家都比較少機會去~但都有好多值得去嘅地方㗎!就好似霍爾木茲島入面嘅「Majara」彩色童話村落!

「Majara」村落除咗啱晒打卡之外仲大有作為!呢個是「Majara」村落係為咗促進當地經濟發展而設計出嚟嘅~

當地機構就搵咗設計師運用當地有嘅原材料,打造一條特色村落吸引去觀光人潮~

霍爾木茲(Harmuz)昔日係一個石油運輸重要港口,但當地經濟發展就唔係咁好喇~




所以當地就打造咗一系列地方開發項目,去吸引更加多遊客,藉以促進當地人同遊客間文化經濟上嘅交流。

彩色圓頂建築群超夢幻!好似吉卜力動畫嘅場景咁!

建設過程中仲搵咗好多當地工匠、工人去參與,令島民可以學習相關專業技能,激活島民創造能力去產生經濟流動~

如果有機會可以去伊朗,就記得去霍爾木茲島「Majara」打吓卡喇~!!

*以上資訊只供參考,如有任何變化或更改均以現場情況或商戶決定為準*