【免費玩水】「水知園」H2OPE Centre正式開幕！睇晒12個展區｜親子好去處｜香港玩樂｜開團

「水知園」H2OPE Centre 正式開幕啦！

位於天水圍水務署大樓嘅水資源教育中心 –「水知園」H2OPE Centre，由2019年12月14日起歡迎公眾喺開放時段內入場參觀。

12個展區都咁有趣，快快行動去即時體驗，一齊玩水喇！

真係好玩到唔捨得走㗎，依家帶大家去睇吓有咩玩先！！

《1/F》

【展區 1】 水 + 歷史

透過互動展品及短片，認識香港制水時期嘅困境及水務設施嘅發展等。

【展區 2】 水 + 來源

設置一系列互動展品及遊戲，包括模擬喺水塘釣魚、擔任水務督察等。

介紹香港所有集水區和水塘，從遊戲中學習。

【展區 3】 水 + 影院

「水知園」內值得推介嘅立體球幕影院，利用立體影像將有關水資源嘅資訊，充滿動感地呈現喺觀眾眼前。

【展區 4】 水 + 回收

兩個運作中嘅中水重用及雨水回收系統。

透過玻璃窗配合投射動畫，了解點樣將中水及雨水再重用。

【展區 5】 水 + 演示

呢個演示區會不定時提供唔同內容，例如實驗示範，小型嘅慳水比賽等。

另設置數列以退役水錶裝成嘅櫈，增添環保意義。

【展區 6】 水 + 品質

透過一系列互動展品，知道濾水過程同香港嘅食水標準。

【展區 7】 水 + 循環

絕對令小朋友玩到唔願走嘅遊戲區，邊玩水邊體驗水嘅循環過程。

《2/F》

【展區 8】 水 + 工程

認識水務處嘅水喉工程所採用嘅技術、設備同物料。

【展區 9】 水 + 效益

展示唔同水喉裝置及用水器具嘅實物，如洗衣機、小便器具及水廁等，用嚟介紹「用水效益標籤計劃」。

仲可以參與虛擬嘅購物挑戰，揀最佳用水效益嘅產品，跟住喺日常生活中實踐。

【展區 10】 水 + 持續

去呢區了解水資源可持續性嘅新科技，包括開發新水資源、海水淡化等。

【展區 11】 水 + 氣侯

設置地球投影儀，展示跟水同氣侯變化有關嘅圖像及影片。

【展區 12】 水 + 創意

呢度喺多用途室，舉辦以水為主題嘅創意活動。

【水務署「水知園」H2OPE Centre】

地址：天水圍天柏路20號水務署天水圍大樓
時間：上午10時至下午6時 (最後入場時間：下午5時30分)
(星期三、農曆年初一及二休館)
費用：免費入場
詳情：官網

資料來源：滴惜仔 Water Save Dave Facebook