去台北旅行，除咗去夜市掃小食之外～
當然要食埋甜品先夠滿足！
台北有間甜品店推出多款浮誇嘅芋泥甜品，作為芋頭控一定唔可以錯過！
呢間甜品店嘅芋泥甜品都係用大甲芋頭製作～
當中嘅芋泥甜品好有特色㗎！
芋泥麻糬
大大盒芋泥餡配麻糬，味道香甜而不膩～
唔單止份量多，牽絲程度更加係超乎想像！
芋頭生乳盒子
呢款甜品嘅頂層放滿芋圓、蕃薯圓同白玉～
而下面仲有濕潤嘅芋泥蛋糕，
每啖都充滿口感，難怪令人食到欲罷不能啦！
芋頭金沙巴斯克蛋糕
追求口感豐富嘅朋友，呢款就啱你！
巴斯克蛋糕嘅底層係厚厚嘅芋泥，
充滿乳酪香+芋頭香～
再淋埋鹹蛋黃醬，鹹香十足！
真係夠哂邪惡呀！
下次飛去台灣，芋頭控一定要試吓呀！
芋芋甜點舖
地址：台北市大安區新生南路三段76巷5號
電話：（02）2366-0588
營業時間：中午12:00至晚上8:00
訂購方法：店家Instagram