【台灣】彰化鹿港巷復古老宅咖啡廳 必試「古井、紅磚蛋糕」｜台灣美食｜放假去邊

彰化作為台灣嘅舊城區，有唔少古色古香嘅老街，

當中嘅鹿港老街洋溢住古典氣息，古蹟與美食林立，

隱身喺鹿港小巷中嘅一間咖啡廳更係由百年古宅改造而成，古意盎然~

咖啡廳位處兩層樓嘅百年老宅內，

大門上仍懸掛住「太岳衍派」嘅牌匾，

外觀原汁原味，為保存完好，更須由側木門進出~

店鋪內部以簡單嘅方式翻新，新舊融合

有充滿年代感嘅紅磚牆與古典吊燈，亦有現代化Bar枱

咖啡廳最經典嘅甜點莫過於古井蛋糕同紅磚蛋糕！

古井蛋糕嘅造型還原度極高，海綿蛋糕內配以芝麻莓果慕斯內餡，

酸酸甜甜嘅莓果味帶點芝麻油香，清新香口！

由脆皮朱古力整成嘅紅磚蛋糕亦係鎮店之寶！

伯爵橙嘅味道相當吸引，濃茶味中帶點清爽感~

除此之外，店內嘅鹿村油飯亦相當有名，粒粒分明，油香十足！

Fang Kofi 凡咖啡
地址：台灣彰化縣鹿港鎮中山路74巷38號