放假想留港揾節目,但撞啱天氣忽晴忽雨點算好!?
其實康文署喺香港各區均設有唔同主題嘅兒童遊戲室,好玩之餘仲要免費添,快啲嚟玩盡其中5大精選嘅兒童活動室喇!
1) 保榮路體育館兒童遊戲室
全港第一大兒童遊戲室就喺上水保榮路體育館內,佔地接近4,000呎! 主題係「小小世界」,因地方夠大,有滑梯、攀爬障礙架等設施,最適合畀活潑嘅小朋友嚟放電。
場地: 保榮路體育館
地址: 新界上水百和路19號
時間: 早上8時30分至晚上9時15分
主題: 小小世界
電話: 2639 2979
2) 北河街兒童遊戲室
一般兒童活動室都以海洋或者森林做主題,北河街兒童活動室就夠晒特別喇! 以「糖果屋」做主題,仲有蛋糕造型小滑梯,好似進入童話世界咁,成個人都開心晒!
場地: 北河街體育館
地址: 九龍深水埗基隆街333號北河街市政大廈5樓
時間: 早上9時至晚上7時50分
主題: 糖果屋
電話: 2729 1010
3) 香港單車館兒童遊戲室
香港單車館嘅內嘅兒童遊戲室以「極限運動」為主題,佔地約為2,900呎,有越野車、賽道等,啱晒小小汽車迷。
場地: 香港單車館
地址: 將軍澳寶康路105-107號
時間: 早上9時至晚上9時30分
主題: 極限運動
電話: 2878 8622
4) 圓洲角體育館兒童遊戲室
圓洲角兒童遊戲室以「森林」為設計主題,面積約3,300呎。 場內有樹屋和探險船,可愛有趣。 另外仲特別為年紀較細嘅幼兒,提供專屬活動區,十分安全和貼心!
場地: 圓洲角體育館
地址: 新界沙田銀城街35號
時間: 早上8時至晚上9時50分
主題: 森林
電話: 2509 9108
5) 調景嶺體育館兒童遊戲室
以「海洋世界」為主題嘅兒童活動室,最好玩之處在於搶眼嘅黃色潛水艇同充滿神秘感嘅樹屋探險。 潛水艇顏色夠晒搶鏡,超適合假日嚟打卡呢!
場地: 調景嶺體育館
地址: 將軍澳翠嶺路2號
時間: 早上9時至晚上9時30分
主題: 海洋世界
電話: 2481 5033
溫馨提示:
⭐ 兒童遊戲室主要供4至9歲同身高唔超過142厘米嘅兒童免費使用。
⭐ 4歲以下嘅小朋友必須由家長或監護人陪同使用。
⭐ 每節容納人數有限,另必須穿著清潔的襪子進入遊戲室。
⭐ 請遵守規則,愛護設施。
資料來源:民政事務局、康文署