【日本】「動物的廁所時光」扭蛋玩具準備開賣！超萌相率先公開｜日本購物｜放假去邊

最近日本海洋堂旗下扭蛋品牌——膠囊 Q 博物館，

宣布即將推出「動物的廁所時光」玩具第二彈！

相信今次同第一彈一樣咁受歡迎！

由日本插畫大師佐藤邦雄所設計嘅扭蛋玩具，

將樹熊、大猩猩、鸚鵡、乳牛以擬人法嘅方式，

模擬佢哋喺廁所嘅時光，唔知佢哋去廁所會係點呢？

首先出場係一身鮮豔羽毛嘅小鸚鵡，

閉著雙眼嘅樣子都顯得好優雅～

但佢似乎未有便意……

輪到身型健碩嘅大猩猩，

見到佢嘴角向上就知道佢腸道好健康啦！

之後到乳牛出場～

左望望，右望望，神情害羞～

睇嚟佢係擔心被其他動物發現自己「辦大事」中～哈！

最後一位係樹熊！

坐喺馬桶上都拎住本書入去，書卷味十足！

值得一提，呢款嘅頭部仲係可以轉動㗎！

如果收集齊一套，仲可以將扭蛋排成一列，

更加似真實版嘅公廁！

有興趣嘅朋友到時可以上網代購～

Photo credit: 海洋堂

INFO
開售日期：2021年12月20日起
售價：400円連稅 (約港幣25元)
詳情：官網