【日本】千與千尋20週年！無臉男提燈發光公仔登場！｜特色家品｜放假去邊

宮崎駿自編自導嘅《千與千尋》，喺2001年7月19日日本上映，到而家已經踏入20周年。台灣更將電影再上院線重映，而日本嘅「橡子共和國」就襯20周年推出「無臉男」公仔！

無臉男提燈公仔係無臉男拎住油燈嘅設計！

一開始冇任何人類感情嘅無臉男，象徵住純潔嘅靈魂。後來俾塵世氣息侵擾，同小千嘅相處中漸漸又搵返原本嘅模樣。

無臉男提燈公仔嘅油燈真係識發光，隨住感應器感應到人體溫度後就會亮燈。唔想佢着燈嘅話可以將燈籠從無臉男手上拎走，油燈放喺無臉男手上先會着燈！

無臉男提燈公仔將喺日本「橡子共和國」開賣，價格為4290日圓。