【日本】扔垃圾都勁大壓力！日本街頭進擊的巨人垃圾桶｜日本打卡｜放假去邊

人氣動漫《進擊的巨人》至09年以來連載，一直都有唔少粉絲！近日日本街頭就出現「進擊的巨人垃圾桶」！造型勁搶眼！

原來垃圾筒係「CHANGE FOR THE BLUE in 大分」企劃之一活動，希望民眾透過「垃圾分類」減少海洋負擔，喚醒大家對環境保護嘅意識。

三個巨人造型垃圾桶就設置喺《進擊的巨人》作者諫山創嘅出生地大分縣日田市，當中有一般垃圾桶同膠樽回收桶。希望民眾將一般垃圾丟入資源回收桶噚頻率減低！

三個垃圾桶都放置喺路邊嘅自動販賣機附近，希望提醒買飲品嘅民眾要垃圾分類！

每個巨人垃圾桶都係血盆大口咁張開咀，超搶眼！小編就覺得俾佢咁擘大口望住，都咪話唔驚！扔垃圾都超大壓力！

進擊的巨人垃圾桶預計擺放至 11 月 22 日。