【日本】東京Aqua Park冬日冰雪主題！超夢幻水晶雪花海洋雪穹！｜日本遊點｜放假去邊

作為全日本最受歡迎之一嘅水族館，位於品川嘅Aqua Park，喺今個冬日掛上冰雪主題！

成個水族館都打造成雪穹海洋世界！

海豚表演都換上咗冬季場景同管弦樂曲目～觀眾可以一齊拍住掌參與演出！

夜晚嘅海豚表演舞台則會被360°冬日裝飾包圍，海豚將會同冰雪一同演出。

水族館入口亦換上咗冰雪場景！

「Color」玻璃魚缸空間亦幻化成被晶瑩剔透水晶包圍住嘅空間。魚兒就好似喺雪中飛舞一樣！

光影將會投射閃閃發光嘅雪花氣泡！入場人士只捕獲氣泡就會有唔同顏色嘅海洋生物出現於投影！

珊瑚咖啡吧化身為水晶吧，提供限定冬日飲品！

水母區亦有限定「SNOW AQUARIUM」裝置！

 

Maxell Aqua Park 品川（マクセル アクアパーク品川）

東京都港区高輪4-10-30（品川プリンスホテル内）

冬日限定主題：2021年12月29日 － 2022年2月27日