【日本】青森推蘋果圍巾！推廣蘋果美食文化！仲有蘋果線上遊戲｜網絡熱話｜放假去邊

講起蘋果，全世界最出名嘅蘋果，應該非日本青森縣出產嘅蘋果莫屬。幾乎早已將「青森=蘋果」畫上等號，不過你又知唔知道，其實青森蘋果共有多達50種，為推廣蘋果美食文化，青森縣觀光企劃課まるごと青森就攪攪好多新意思！

3月時以削蘋果時嘅蘋果皮為發想，將一圈一圈被削落嚟嘅蘋果皮變成超療癒蘋果圍巾，加上表皮質感嘅細節，令人覺得真係好似圍繞住蘋果皮一樣，只不過目前僅是構思，期待日後能夠成真，發展為特色地方紀念品。

 

而搭配上「遊戲之日」（ゲームの日 ）嘅熱潮，青森縣觀光企劃課まるごと青森亦推出「ぷよりんご」蘋果俄羅斯方塊線上遊戲，呢款蘋果版「魔法氣泡」讓人玩樂之餘，亦能學習分辨蘋果種類嘅冷知識！

ぷよりんご共分為三種難度，以簡單4種、普通5種、高難度8種唔同種類嘅蘋果為主題，只要4個相同種類嘅蘋果連埋一齊就可以消除，不過紅通通嘅蘋果要一眼快速辨別出不同之處，都真係幾有難度，因為療癒程度之高，瞬間成為日本熱門話題。

落下嘅8種蘋果，共有富士、世界一、千雪、紅玉和むずかしい等唔同種類，為咗令玩家能夠更清楚了解，團隊亦附上難易度蘋果對照表，幫助大家可以透過睇蘋果嘅色澤同形狀差異嚟區分，不過當一堆蘋果落下時，想要好好辨識，都幾考眼力。「ぷよりんご」電腦PC和手機都玩到，唔只要考驗反應，亦考驗你辨識蘋果種類嘅眼力。

除了魔法蘋果遊戲外，青森觀光企劃課其實創意無限，今年2月時亦推出過蘋果九宮格梗圖。