【日本租車】沖繩自駕遊攻略！自駕景點+費用＋租車5大注意位！

Mar 18, 2023 | 著數優惠

終於去得旅行啦！沖繩租車之旅都係個唔錯嘅選擇！沖繩主要分為南北部，那霸機場與那霸市屬於南部，北部主要有大大小小海灘同島嶼。

要一覽沖繩美景，推薦大家自駕、吹住海風到處遊！但喺沖繩租車前有咩常見問題？等小編一次過講吓日本租車遊沖繩啦！

沖繩主要交通工具有單軌電車、巴士兩種。但是單軌電車只有喺那霸市區先可以使用，其他地區都要靠巴士前往，由於沖繩當地人多習慣開車，因此開往以上地點嘅巴士班次相當稀少，例如往返名護市同那霸市嘅巴士一日只有8個班次，單程要1500日圓以上。

挑選沖繩租車公司，可以考慮沖繩租車嘅計費方法、保險制度、沖繩當地營業所嘅營業時間及取車還車時間、分店設立地點及分店數量、租車公司有否機場接送及租車公司嘅官網、租車公司客服有否中英文介面等等。若透過klook，則全部皆為中文介面，省去語言問題，以下係Klook租車上嘅車行比較：

Nissan
每日價格：$1,714起
車型：小型車
地點：機場外，可搭巴士抵達

Alamo
每日價格：$1,540起
車型：小型車
地點：機場內，步行可達

Car Rental Okinawa
每日價格：$2,836起
車型：小型車
地點：機場外，可搭免費巴士抵達

Flight Rentacar
每日價格：$2,269起
車型：小型車
地點：機場外，工作人員舉牌接機

You I Reant A car
每日價格：$2,550起
車型：SUV
地點：機場內，可搭免費巴士抵達

前往日本沖繩租車前，請準備以下重要文件：

香港遊客在日本租車必須持有「國際駕駛執照」，只要持有香港有效駕駛執照就可以向運輪署申請。
國際駕駛執照由簽發日期起1年內有效，有效期內可多次使用，到期後可再次申請。
出發前，確保自己持有有效國際駕駛執照外，亦要準備好以下文件：
旅遊護照
香港駕駛執照正本
信用卡
如已預先預約，也要記得帶租車確認電郵同取車服務表格。
部份租車公司或會要求駕駛人士需年滿 21 歲，並向年輕駕駛人士收取額外費用。
部份租車公司亦有機會要求駕駛人士持有駕駛執照1年或以上，預約前記得先了解清楚！

一般租車大致分為三種車型：轎車、休旅車、箱型車，選擇車輛時，可考慮人數、行李多寡及車體空間：

小型車｜五人座轎車：建議最多 4 人，坐起來比較舒適，轎車後車廂也有足夠空間放置隨身行李
旅行車｜七人座休旅車：建議 5~6 人，空間適中且休旅車也有足夠的置物空間，非常適合遠途自駕
商務車｜九人座箱型車：建議 6~8 人，車體比休旅車更大，較不建議新手駕駛

在沖繩租車價錢會依照人數、租車公司、車型、車況年齡同淡旺季有所不同，例如適合兩人自駕嘅Toyota Vitz，沖繩12月淡季租車費用只須約$80元起，租借 Nissan Dayz、Nissan Note等五人座小型車，每日租車費用約$440元起；若想尋找 Toyota Alpha 等七人座車款，每日租金約$1200元起；而九人座車Nissan Serena，每日租車價格為約$1000元起。

通常向租車公司租車時可加購保險，避免用車時不小心發生意外。Klook租車喺預訂時，可以查看車體險等附加保險資訊。
強制保險：強制險是喺日本行駛嘅車輛都有嘅租車保險，事故產生時，保險公司會對第三人、對方傷者及車體補償。
免責補償險（CDW）：事故發生後，如有自負額產生(需要承租人負擔嘅費用)，租車時有CDW保險嘅旅客，可免除自負額。有些租車公司已經將呢筆費用包含喺租車費內
營業損失賠償（NOC）：造成租車公司無法繼續租賃嘅賠償費，分成可自行行駛至營業所嘅2萬日圓，及車子損壞較嚴重嘅5萬日圓。租車時有NOC保險就唔洗負擔呢筆用喺「事故後車輛的維修清潔期間，不能承租給其他人所產生的營業損失費用」