【澳門美食節】集齊全球所有美食！超過150個攤檔！| 澳門旅遊 | 放假去邊

吃貨福音！「第18屆澳門美食節」終於到喇！有成超過150個美食攤位，果然係美食之都～
今屆嘅主題係「百變心情好煮意、美食之都譽全球」，一共有5大主題街，同埋1條新加坡村！
全球嘅美食，呢到都搵得到！點可以唔嚟掃晒佢？！

===============

海鮮控注意！必掃歐陸美食街

鍾意食海鮮嘅朋友仔，Mark實呢條「歐陸美食街」喇～
龍蝦、生蠔、帶子… 有！蒸、燒、煮、炸… 齊！

小編大大大愛～ 仲長過小編塊面嘅「蒜蓉波士頓龍蝦」！
新鮮惹味之餘，仲啖啖肉！

鍾意食龍蝦嘅朋友仔，可以試埋其他款～
激多芝士嘅又得，加咸蛋黃嘅亦得！兩款都好吸引啊～～～

燒生蠔都係必食～
望到成排蒜蓉燒生蠔已經流晒口水喇～～～

芝士控就一定要揀芝士燒生蠔～
芝士夠多、夠濃，生蠔燒完仲keep住大大隻！

日韓台泰菜！亞洲美食街

亞洲咁大… 你今次真係咩都食得晒啊！
日本菜、韓國菜、泰國菜、越南菜、台灣菜，應有盡有！總有一款啱你心水嘅～

芝士鰻魚包 必必必食呀！
厚切嘅燒汁鰻魚夠晒香、配埋芝士一齊食，沒有不好吃的理由！

爆丼都係全場焦點～
小編特別推介：原條鰻魚左口魚、三文魚子蟹肉，兩款CP值都好高！

四式玉子燒都好抵食～
一個價錢可以食晒四款！芝士、紫菜、沙律醬乜乜乜… 選擇困難症都唔洗怕！

亞洲美食嚟講，點少得台灣菜？！
台式肉燥飯好吸引啊～～～ 每一粒飯都吸盡肉燥嘅精華！
仲有好正宗嘅台南蚵仔煎，台菜控不能錯過～～～

韓國菜嘅代表：韓式五花肉！
豬腩肉嘅脂肪勁香～ 肥肉層次好分明～～～
竟然仲搵到韓式傳統魚糕，必必必食啊！

必必必食！新加坡美食

今屆美食節有成條「新加坡村」！
你講得出嘅新加坡美食，呢到全部齊！等小編話畀你知，邊幾款夠正宗、最值得食啦～～～

不能不食嘅，梗係咸蛋乜乜乜！
呢到有咸蛋黃炸雞扒、炸薯條… 行過已經聞到好香喇～～～

真．來自新加坡嘅海南雞飯！
無骨就基本啦～ 再配埋油飯一齊食… 啖啖新加坡傳統味！

仲有好重麻油香嘅手撕雞～
份量好足、啖啖肉，食肉獸是時候出動了！

去飲茶喇喂！超多款中式點心

點心控！「中式酒樓街」一定係你心水喇～
可以食到茶樓嘅點心，間間都好地道！除咗粵菜之外，仲有上海菜、汕頭菜等等… 食得到嘅傳統味啊～～～

蒜蓉蒸帶子全部都大大粒～
40蚊就食到3隻，幾抵喎！

中式酒樓嘅生炒糯米飯、辣酒煮花螺，呢到都搵得到～

甜品迷出動！成條街都係甜品

食完正餐係時候食甜品～ 不能錯過「甜品街」！
成條街都係甜品、激多款選擇，甜品控表示好滿足啊 T_T

梳乎厘班戟、雪糕、雞蛋仔窩夫，呢啲基本嘢，澳門美食節點會冇？！
Pancake份份都係即叫即製，好動L好鬆軟啊～～～

最特別係… 小編搵到好創新嘅芫茜雪糕、四川麻辣雪糕！
鍾意食芫茜嘅朋友一定會鍾意！（講明先～麻辣真係好好好辣啊 T_T）

仲有唔少打卡甜品！色彩繽紛，全部造型都好靚～
好食得嚟又可以影相，幾抵玩！

【電子支付都得】畀錢超方便！

今屆澳門美食節仲全面採用電子支付！
任何銀行發出嘅銀聯閃付卡、微信支付、中銀銀聯雲閃付，全部都用得！
只要嘟一嘟、掃一掃，美食即刻到手喇～～～～

重點係！唔同嘅電子支付形式，仲會有唔同優惠！
咁多嘢食、咁多著數，快啲約埋朋友仔嚟掃街啦～

第18屆澳門美食節

日期：2018年11月9日至25日
時間：星期一至星期四 17:00-23:00；星期五至星期日 15:00-00:00
地點：澳門西灣湖廣場 (澳門旅遊塔前地)

===============

放假去邊 更多好介紹:
快啲like我哋Facebook
同follow我哋Instagram啦!