隱藏於土瓜灣舊區中嘅法式甜品，小店嘅甜品每日新鮮手工製作~師傅更將傳統中式糖水融入精緻法式甜品入面，包括薑汁撞奶慕絲蛋糕、荔枝烏龍慕絲蛋糕、黑芝麻豆奶慕絲蛋糕，仲有花生糖不甩泡芙杯！大家外賣拎去拜年就唔洗咁悶喇！
即刻睇下點嘅先！
造型好靚啊~成舊雲朵咁，影相打卡就最開心！
雲朵蛋糕，薑汁撞奶慕斯蛋糕，外層朱古力脆皮，內裡包住鬆軟海綿蛋糕同軟滑嘅牛奶慕絲！
呢款好似年糕咁嘅造型係金箔年糕慕絲蛋糕啊，外層係阿華田，入面係朱古力脆脆同埋阿華田軟心，非常特別。
仲有荔枝烏龍慕斯蛋糕，外層係脆皮朱古力~入面有好香濃嘅荔枝流心同埋烏龍茶味！味道好清新！
呢款泡芙內陷非常特別，用咗紅糖糍粑，好煙韌~
荔枝烏龍慕斯蛋糕，一切出黎仲有荔枝流心，入面有士多啤梨朱古力脆脆，仲有荔枝流心同埋烏龍茶慕斯！可預訂7寸西餅size。
沐曦 (紅磡)
地址：紅磡崇潔街44A號地舖
時間：12:30-20:30（逢星期三休息）
圖片來源：@foodietiffhk