【觀塘高CP值Cafe】必食全日早餐、巨Size煎三文魚！｜香港美食｜放假去邊

小編發現觀塘有間Cafe…
價錢唔算貴，食物選擇多、質素高！
環境仲幾靚、幾舒服㗎～

===============

悠然假期全日早餐 $98 (包飲品)
(假日12-6pm供應)

黑松露炒蛋、薯波、牛油磨菇、烤蕃茄、牛油果、豬肉腸、沙律、蒜蓉牛油多士

呢個All day breakfast係小編大愛！
最開心係有8款食物、咩都試到，仲要幾好食啵～～～

重點推介：黑松露炒蛋、薯波！

炒蛋好香滑，配埋黑松露真係一流～
薯波外脆內軟，好正啊～～～

蒜蓉牛油多士、滑蛋、牛油果、蘑菇… 一啖食晒爽呀！

===============

香煎三文魚柳 配素芝士野茄沙律 $138 (包飲品)
(每日晚餐時段供應)

鍾意食三文魚嘅朋友，呢個dinner set不能錯過！
香噴噴嘅油脂、加上啖啖肉，配埋純素沙律，清新得嚟又好食～～～

重點係！煎三文魚柳有小編手板咁長！
仲要勁勁勁厚啊～ 呢個Size、呢個質素，真係極高CP值！

===============

香草燒牛腹膜柳 配薯條、烤雜菜 (燒汁及茄汁) $138 (包飲品)
(平日午市、假日12-6pm 供應)

召喚牛魔王！呢份牛腹膜柳，牛肉味都幾出～
跟餐仲有一份薯條，係粗薯啊～～～～

牛肉嘅生熟程度啱啱好，一啲都唔會韌～
邊位仲微微烤過，食落幾有層次！

===============

香蒜大蝦意粉 配頭盤沙律 $88 (包飲品)
(平日午市供應)

呢個午餐算幾抵食～～
沙律嘅份量同意粉係一樣！

蒜味好突出，超級香～～～ 鍾意食蒜嘅朋友一定鍾意！
大蝦質素都唔錯～

沙律菜好新鮮！
竟然仲配咗啲燕麥片、香蕉乾果片，都幾特別～

===============

翩翩蝴蝶下午茶雀籠 (二人用) $210 (學生價$178)
(平日下午茶時段、假日12-6pm供應)

女生最愛：下午茶3層架Tea Set~~~~

鳥籠造型嘅Tea Set，仲有蝴蝶做主題～
個3層架仲識發光㗎！

一共有3層食物，鹹甜兼備是常識吧～

第一層係法式甜品～
啲朱古力係特特特濃！味道絕對唔會輸畀出面嘅甜品店～

第二層有 士多啤梨蝴蝶酥、煙三文魚提子麵包
自家製蝴蝶酥好香脆！煙三文魚大大塊，配埋沙律菜、麵包一齊食都幾Fresh～

第三層係 自家黑醋鮮果沙律、牛油果醬雞蛋
好夠健康～ 牛油果加蛋黃、配雞蛋食又幾特別～

下午茶Set仲包兩杯飲品，都有唔少選擇～
健康水果茶、多款奶昔、果汁、普通茶呀咖啡，呢啲都有～
仲可以加錢轉冷壓果汁或者特飲！

性價比都幾高，又好坐舒服！
快啲嚟試下啦～

I’s Land Cafe
地址：觀塘駱駝漆大廈1座6樓A舖

===============

放假去邊 更多好介紹:
快啲like我哋Facebook
同follow我哋Instagram啦!