韓國首間拉麵專門店喺首爾開幕啦！拉麵係韓國嘅美食，有超多唔同嘅拉麵，對拉麵嘅熱愛真係好狂熱！
拉麵專門店88ramyunstage位於汝矣島The Hyundai Seoul百貨公司入面，玻璃大櫃裝住唔同嘅拉麵，仲以唔同顏色排列，十足一幅彩虹拉麵牆，超多人都嚟到打卡！
88ramyunstage集合咗超過一百款嘅拉麵喺店內，各有特色！除咗韓國本土拉麵之外仲有來自世界各地嘅公仔麵㗎！
仲有超得意嘅拉麵蛋糕，即場製作！即叫即整！
一共4款口味，都係參照唔同拉麵嘅外型嚟製作。有南瓜拉麵、紅豆蓉、Tiramisu、芒果同熱情果等等，雞蛋同蔥花則係軟糖！
仲有韓國人食拉麵會食嘅配菜醃菜出售！
除咗真係食得落肚嘅產品之外，仲有唔同嘅拉麵煮麵計時器等產品！
88ramyunstage
首爾永登浦區汝矣島路108 The Hyundai Seoul B1
2022年1月12日起營業至4月30日
*以上資訊只供參考，如有任何變化或更改均以現場情況或商戶決定為準*