【韓國Starbucks】必搶超高雅粉紅手沖壺+可愛風松鼠雙層玻璃杯！變出不同面貌的松鼠仔｜韓國購物｜放假去邊

嚟到秋季，韓國Starbucks又一次過推出一系列新品，

其中嘅粉紅手沖壺、松鼠雙層玻璃杯更加係人氣首選！

粉色手沖咖啡壺設計簡約高雅，望落超有質感，

啱晒鍾意咖啡嘅品味少女！

即使係沖茶，配埋呢個手沖壺都零舍有格調！

除此之外，想行可愛風，都可以考慮呢個松鼠雙層玻璃杯！

咩飲料都無裝嘅玻璃杯望落平平無奇…

但當你倒入唔同嘅飲品落去，就會發覺到入面隱藏嘅倒轉小松鼠~

而且當你倒唔同飲品落去時，小松鼠嘅樣貌顏色都會唔同㗎，

名副其實飲得玩得XD

秋季系列嘅杯咩風格都有，真係令人忍唔住好想入手！