【香港·本地遊】全港首個巴士瞓覺團!不設關愛座!玩足6個鐘兼包午餐!|香港玩樂|放假去邊

Nov 8, 2021 | Uncategorized

大家平時番工、番學都係夜晚唔想瞓、日頭唔想起!今次就等小編推介呢個全港首創嘅「巴士瞓覺團」一定幫到您!旅行團特別設計出全港史上最長巴士線:全程83公里!圍繞屯門公路同北大嶼山公路兜一圈!唔同艙位各有規矩要遵守,買飛前記得睇清楚! 行程仲包括「飯氣攻心餐」,以及幾個精選打卡點,唔搭巴士係好難去到!期待同大家搭住巴士去旅行(或者俾您瞓餐飽)!

總共分為三個區域:商務靜音區 – 「零分貝瞓覺艙」、經濟靜音區 -「低分貝瞓覺艙」、長腿叔叔「包廂座」(可坐 1 – 4 人),旅行團仲包大家午餐一份,係咪好過癮呢~巴士瞓覺真係特別放鬆!即刻睇下個景點有咩先!

時間:11:30| 起點:荃灣西站



當天午餐大家會於荃灣西餐廳集合,享用「飯氣攻心餐」,荃灣西站出發,開始蘊釀睡意。

第一站:屯門浩和街






沿屯門公路,到達第一個打卡點,方便各大巴膠拍片影相睇風景。

時間:12:00|蝴蝶灣泳灘

(廁所點 1)到達蝴蝶灣泳灘,短暫停留。
第二站:機場維修區

經過屯赤隧道,到達第二個打卡位,無得旅行喺度懷緬下過去有得飛嘅日子喇!

之後會到達東薈城巴士站,乘客可選擇自由解散。

(廁所點2)到達迪欣湖活動中心,短暫停留。到達青衣站巴士總站,乘客可選擇自由解散。

到達荃灣西巴士站,旅程完結。

 

全港首個巴士瞓覺團 解決港人失眠!

荃灣西站附近享用午餐 (2道菜西餐)
荃灣西站出發,開始蘊釀睡意
沿屯門公路,到達第一個打卡點 (屯門浩和街)
經過屯赤隧道,到達第二個打卡點 (機場維修區)
沿途會有幾個落車點,打完卡可以自己去埋Shopping
(一旦離開去Shopping就不可重新上車)
巴士最後會兜個大圈返去荃灣西站解散
行程時間:6 小時 30 分鐘

集合地點(Ruby Tuesday (海之戀店)
地址:荃灣大河道100號海之戀商場1樓1013號舖

圖片來源:@ownurstory_hk、@my.rilla、@anthonyxshawn、@香港巴士大典

*以上資訊只供參考,如有任何變化或更改均以現場情況或商戶決定為準*

放假去邊!?