【香港·露營】秋冬親子白泥露營2日1夜!低至人均$680連營具+六項戶外體驗|香港玩樂|放假去邊

Nov 8, 2021 | Uncategorized

又到咗秋冬露營季節喇!如果你都同小編一樣心思思想去露營,又唔想帶營具、帳篷?你都想兩手fing fing 去一家大細去露營,咁就要參加呢個由悠揚假期Young’s Holidays舉辦嘅白泥大自然露營2日1夜微旅行,價錢低至人均$680,活動已經包括印第安營及營具借用,仲有超過6項野外體驗活動,有導師指導扎營、劈柴原始生火、湖邊釣魚場釣魚、野炊烤魚、吊燒雞、夜空營火放映會,多款野外體驗活動大家可以精選幾項嚟玩,都唔係強制性參加嘅!節目早晚都咁精彩~十分適合小家庭、朋友一齊參加!

露營又點少得你隻愛寵~有寵物嘅你都可揀番狗狗同樂日嚟Glamping,狗狗同樂日嘅日子會包埋狗狗晚餐及早餐,等各位主人真正做到兩手fing fing~

另外,喺城市跨年倒數大家就試得多喇,野外露營跨年倒數你又試過未呢?訓醒之後同家人、朋友睇住日出迎接新一年真係非常有意思,咁多精彩活動你又點可以錯過啊!如果你都想報名,即刻睇內文詳情喇!

行程簡介

時間:14:00-12:00 (翌日)




開始之前都想同大家講埋,呢度嘅狗狗同樂日可以俾大家帶埋你隻愛寵嚟放電~呢度場地超大~

DAY 1

時間(14:00)入營第一件事就梗係學點扎營喇,有導師從旁協助嘅~

另外,導師亦會教導小朋友點樣舖床墊同睡袋~

時間(14:30)之後就開始劈柴生火,俾大人同小朋友共同合作,享受假日親子樂。

仲可以體驗原始生火方式~利用棕櫚樹同火石俾小朋友學識生火技巧。

時間(16:00) 呢個時候可以一家大細享受釣魚樂,仲可以訓練小朋友耐性,教識佢地自給自足。

包團仲有箭藝活動可以另外加購。

時間(17:30)扎營、生活、釣魚都完咗之後就可以聚埋一齊準備晚餐,大家可以自己動手進行戶外生火燒魚。

仲可以參與吊燒雞體驗,小朋友可以自己掃上醬油然後親手放入焗爐。

等待美食出爐嘅時間梗係要影埋呢個全香港最靚嘅日落喇~

時間(19:00)呢個時候就可以成班人聚埋一齊食頭先一齊整嘅燒魚、燒雞野外晚宴,自己親手整嘅,味道都特別好食。

大家仲可以燒埋棉花糖~

時間  ( 21:00) 隨著天色漸暗,一班人都食到七七八八,點會咁就完啊~

仲有呢個夜空營火放映晚會,大家圍埋一齊睇電影、傾計,咁就結束一日喇!

知道大家都擔心露營沖涼問題,營地都配備男女廁所、浴室。

而廁所同浴室係分開嘅~小編實測,非常乾淨。

喺時候休息下喇~

DAY 2

時間 09:00 田園DIY早餐(飛碟包)~材料有粟米、火腿、芝士,之後放入模具然後加熱。

時間 10:00 柴火曲奇制作,大家可以自己親手嘗試糅麵團、揀自己鐘意嘅模具。

時間 11:30 營地收拾。

時間 12:00 活動完結,可以離營。

*【釣魚野炊放映會】白泥大自然露營2日1夜微旅行

地址:元朗流浮山上白泥村154號

*費用及參加日子(個別日子需注意):

2022年1月8-9日
$2920一營 ( 最多四位,平均每人$730), 大小同價

2022年1月15-16日|1月21-22日
$2720一營 ( 最多四位,平均每人$680), 大小同價

2022年1月22-23日*狗狗同樂日
$3020 一營 ( 最多四位,平均每人$755), 包狗狗早餐及晚餐

2022年2月4-5日
$2920 一營 ( 最多四位,平均每人$730), 大小同價

**注意:12月只接受包團查詢

*交通:

1.在元朗/天水圍西鐵站轉乘33號小巴在樂逍遙釣魚場下車,步行約3分鐘便可到達。

2.在天水圍西鐵站轉乘白色往上白泥村村巴在樂逍遙釣魚場下車,步行約3分鐘便可到達。

3.在天水圍西鐵站轉乘的士約15分鐘便可到達。

*營具及食物包括:

每營(4人)以下用具及餐膳: 帳篷及營具

​​-印第安5人營x1、自動充氣地墊x4、大營燈 (包電池) x2、營幕燈(包電池)x1、鎚仔x1、睡袋x4、鋁合金桌子x1、椅子x4

**(轉換全新睡袋 加$40 /每位,使用後可以取走)

晚餐 (食物種類視乎供應商提供而作出調整)

– 燒雞、 炸魚塊、 燒魚、菜、飯

早餐 (食物種類視乎供應商提供而作出調整)

– 飛碟包

主辦單位:悠揚假期Young’s Holidays
行程內容:按此瞭解更多
立即預訂:https://wa.me/message/
電話查詢:3956 4611

報名須知

1. 最少出發14天前報名,名額先到先得

2. 當於出發前1小時天文台懸掛三號或以上之颱風信號,黃色暴雨警告時,當日之活動將會改期,我們會在出發前通知客人

3. 報名時須繳交全部費用 , 本公司將不會退回任何費用。

4. 參加者如損壞或遺失任何設備和器材,需照價賠償。

5. 請自行保管帶來物品,如有遺失或損毀,本公司恕不負責。

6. 任何參加者在活動期間任何損傷, 本公司概不負責。

7. 最少8組成團,如不成團,客人可選其他日子或退款

8. 如有任何異議,均以悠揚假期有限公司的最終決定為準。

參加年齡
3-65歲人士可參加

參加Q & A

1.可否帶狗/寵物

客人可以參加12月18-19日狗狗同樂日,當日活動包括狗狗晚餐及早餐。

其他活動日期不可帶寵物

2.有洗手間及浴室嗎?

有的 , 場地設有完善的洗手間及浴室。分開的男廁、女廁及浴室

3.有停車場嗎?

有的 ,$50夜泊/每車計

4.可以自己帶食物嗎?

可以的,客人可以按個人需要帶食物

5.是否一定要參與所有活動

不是的,客人可以按個人喜好自由參加活動,不一定要全部參加。

6.請問參加者年齡限制?

活動適合一家大細,親朋好友一齊去玩。3歲-65歲都可以參加。

7.請問晚餐及早餐包括什麼?

晚餐:燒雞/ 炸魚塊/ 燒魚/菜/ 飯

(食物種類視乎供應商提供而作出調整)

早餐:飛碟包

(食物種類視乎供應商提供而作出調整)

*以上資訊只供參考,如有任何變化或更改均以現場情況或商戶決定為準*

放假去邊!?