【香港】中環特色Fusion中菜，打卡雪茄蟹肉春卷+蜜柑鯛+番茄炒蛋甜品｜香港美食｜放假去邊

今次介紹呢間「品」葡萄酒餐廳位於中環美食地標 H Code，主打中菜Fine Dining，嚴選頂級食材搭配美酒。

餐廳環境設計頗有韻味，設有包廂。

餐廳主廚Jimmy Wong擁有超過18年的烹飪經驗、曾於香港和倫敦多所餐廳任職。

主廚Jimmy以母親及妻女作為創作靈感，設計一系列特色菜式。

松葉蟹、茴香、黑蒜紫菜灰：看似係一個雪茄，食落似係春卷，中間有蟹肉，非常鮮甜，一咬爆汁，非常Juicy~

蜜柑鯛、豆漿魚骨湯，四川花椒：採用蜜柑餵飼嘅鯛魚，有淡淡嘅蜜柑味。口感非常軟淋綿滑。

鮑魚，紫菜，Fregola薯仔粉：以真空低溫90度烹調24小時嘅鮑魚，再加入昆布，食落軟淋入味，配上昆布鮑魚汁薯仔粉，煙韌有咬口。

時令真菌、鴨肝、陳釀 25 年陳皮、鴨肉清湯：鴨肝口感綿滑柔軟，配上鴨肉清湯同羊肝菌，香濃惹味。

冰島海螯蝦、XO醬泡、日式米菓粒：日式米菓粒包住冰島海螯蝦，食落清甜香口。

不含酒精的Blanc，混合煙燻Sauvignon白葡萄汁，加上蘇打水及伴以經煙燻的月桂葉。

炒雞蛋雪糕、咸蛋黃、番茄啫喱：食落有種番茄炒蛋嘅味道，雞蛋雪糕好特別，配合上番茄粉同番茄啫喱，好有特色嘅中式甜品。

品 PIIN Wine Restaurant

餐廳地址：中環砵甸乍街45號H Code 2樓