講起越南，大家可能只係會諗起河粉、米子卷等等呢類傳統越南食物
但位於旺角嘅南越Fusion菜主題餐廳「NAM VIỆT NAM Café 南越南咖啡廳」就打造咗一系列全新嘅越南菜式
越南有分「南越」同埋「北越」，而「南越菜」由多國文化踫撞而成，
集結咗傳統越南美食嘅精髓同埋異國飲食文化色彩，勁有特色！
NAM VIỆT NAM Café 作為全港首間南越Fusion菜，畀食客可以試到正宗嘅「南越南」風味
餐廳主廚陳希裕Justin 更被譽為「越南粉教父」，佢曾經創下日賣400碗越南粉嘅長龍紀錄，
而Justin嫲嫲嘅南越牛肉粉食譜經歷過南越、老撾、法國等口味影響而成，
佢傳承後亦曾將食譜帶到美國同埋香港改良，味道獨特又勁受歡迎
今次佢將更高層次嘅越南粉帶到NAM VIỆT NAM Café ，首次採用由牛面頰至牛尾等牛隻五個部位打造「第七代」越南粉
湯底要熬煮足足 24小時，空運嘅新鮮金邊粉配上牛味濃郁嘅湯底，加埋牛肉片、牛面頰、牛腱、牛筋同埋牛丸等配料
為大家呈獻「嫲嫲南越湯 – 招牌金邊粉」，必試！
NAM VIỆT NAM Café 同時係飲食上注入玩味元素！
呢款全港首創嘅「NVN 高樓米塔」 為你帶來越南米粉新食法，
炸脆咗嘅米粉疊高後已經好吸晴，食客可以自行喺食用前淋上以香茅、青檸葉等製成嘅濃湯，
味道酸甜，加上香脆口感，絕對會令你食到停唔到口！
另外亦有小食提供，小編推薦必試越式「Shake Shake 雞軟骨」，
食客先用袋子將雞軟骨同秘製蒜香調味粉等等「Shake」起來，之後再倒出食用，過程勁Fun
雞軟骨夠香脆，而且食法玩味十足，大人細路都會鍾意！
而餐廳亦將地道嘅南越菜式進行創意變奏，呢款「脆米紙薄餅」就係代表之作
其實係由越南街頭小食「越南薄餅」Bánh Tráng Nướng 改良而成，
先將米紙餅底炸至香脆鬆化，再重新配搭精選配料，好似有越南香腸、秘製酸瓜、檳榔葉等，
層次豐富而且勁開胃，當餐前小食都唔錯！
鍾意食肉嘅你亦唔可以錯過「烤蔞葉雞配青蘋果條」，菜式以Bo La Lot蔞葉烤肉卷為設計靈感
將富有越南特色嘅蔞葉烤煮雞肉，雞肉又滑又多汁，伴上以蝦頭油炸嘅青蘋果條，清新口感令到整道菜式更平衡，必試！
除咗食品吸引，NAM VIỆT NAM Café亦提供多款特色飲品，好多都好特別，喺出面好少見！
佢哋係全港首間引入近年風靡越南嘅潮流飲品「越式蛋啤酒」嘅餐廳，由自家製香醇蜂糖蛋醬，配上清爽越南啤酒融合而成，勁有越南風味！
另外亦有被視為國民飲品嘅「越式蛋咖啡」，面層有焦糖蛋醬，再配埋香滑咖啡，各位咖啡迷一定鍾意
餐廳亦提供越南手工精釀啤酒 Heart Of Darkness，三款口味都勁吸引，包括︰越南辣椒、越南金桔同埋柚子味花香
食物同飲品都種類咁多，而且咁有特色，食客好似置身當地小酒吧一樣
而且餐廳定價亦非常親民，人均$100-$200就可以試到咁有特色嘅南越Fusion菜
記得約埋朋友去試吓啦！
NAM VIỆT NAM Café 南越南咖啡廳︰
地址：九龍旺角彌敦道 726 號 1 樓
訂座電話：2311 9333
營業時間：星期一至日 11:30 – 22:00