今個新年，《反斗奇兵》大熱角色同埋一眾《玩轉腦朋友》、《超人特工隊》嘅朋友分別現身Landmark North上水廣場同埋PopWalk天晉滙，各位粉絲記得去卡啦！
上水廣場會繼續聯乘迪士尼與彼思，以《反斗奇兵》同埋《玩轉腦朋友》為主題，
為大家呈獻五大打卡主題場景，典以少女粉紅色為主調，真係令人少女心爆發
大家可以喺多個巨型炫亮粉紅心心裝置前同角色們溫馨合照，過一個甜蜜嘅情人節
另外亦可以同火腿幸運金幣影相，祝願新一年財運亨通
而粉紅色嘅勞蘇亦會鬼馬現身立體心形裝飾內，向大家送上心心、鑽石同埋桃花，不論有無另一半嘅你都要嚟增添桃花運！
另外亦有《玩轉腦朋友》主題嘅「Inside Out情感隧道」，
由阿樂同埋阿愁帶領大家走進大腦隧道，隧道更會感應大家心情轉變顏色，仲有過三關遊戲，好好玩
商場四樓亦會設有《玩轉腦朋友》彩虹心心燈飾裝置，而五樓就會有《反斗奇兵》「星」級大派對，
到時可以同胡迪、三眼仔、Ducky同埋Bunny見面，齊齊大合照！
場內更設有官方授權《反斗奇兵》自助售賣站，同步發售全新迷你盒抽人偶系列，粉絲記得留意啦
而PopWalk天晉滙亦將打造四大主題裝置，有多個《反斗奇兵》同埋《超人特工隊》為主題嘅趣味打卡位等緊大家
《反斗奇兵》嘅巴斯光年同埋翠絲會率先喺一期戶外長廊同大家見面，粉絲一定要去巨型發光心心裝置前打卡
而《超人特工隊》將會現身一期中庭，好有型呀
二期中庭就有勁吸睛嘅超巨型三眼仔幸運夾夾機，同場仲會有胡迪同埋可愛趣緻嘅火腿
身後亦設有勞蘇主題特大發光裝置，同時亦有首次登場嘅小奶油同埋桃麗喺三期中庭現身，大家一定唔可以錯過
戶外露天長廊燈海亦特別加入愛心元素同大家過情人節
心心裝置折射出唔同顏色，好浪漫呀！
Landmark North上水廣場「『反』轉紅粉甜蜜玩具世界」︰
日期：2021年1月23日(六)至3月14日(日)
地點：上水廣場各樓層
地址：上水龍琛路39號
時間：上午 10 時至下午 10 時
《反斗奇兵》自助售賣站 ︰
日期：2021年2月8日(一)至3月14日(日)
地點：上水廣場4樓
時間：上午 10 時至下午 10 時
《反斗奇兵》巨型三眼仔幸運夾夾機︰
日期：2021年1月27日(三)至3月14日(日)
地點：上水廣場2樓
(換領代幣地點 : 2樓會員專櫃)
時間：上午11時至下午8時
PopWalk 天晉滙「新春潮拜玩樂遊」︰
日期：2021年1月23日(六)至3月14日(日)
地點：PopWalk 天晉滙1, 2, 3期商場
地址：PopWalk 1期：將軍澳唐俊街12號 (港鐵將軍澳站A出口)
PopWalk 2期：將軍澳唐賢街19號 (港鐵將軍澳站B出口)
PopWalk 3期：將軍澳至善街19號 (港鐵將軍澳站B出口)
時間：上午10時至下午10時
「Amazing Moment」攝影活動︰
日期：2021年2月14、15、20及21日
地點：PopWalk 天晉滙2期露天長廊
時間：下午6時至8時