新地旗下推出招財喵寶迎新年！
新地三大商場包括：北角匯、荃錦中心同埋新領域廣場，
佢哋首次聯乘推出「招財喵寶」利是封，更由日本招財貓故鄉「常滑市」引入一系列招財貓限量版精品
多款「招財喵寶」開運福袋勁可愛，趁新年快啲去掃貨啦！
呢款「招財喵寶」利是封一共有8款設計，當中唔同嘅顏色、圖案、花紋同祝賀語都有唔同意義
例如紅色代表吉祥、黃色代表健康、粉紅象徵幸福、紫色象徵事業同地位
而花紋上亦有唔同意思：山茶花代表生生不息、櫻花象徵堅實嘅愛、梅花寓意吉祥、牡丹代表高貴等等
每款都好有特色！
商場同時亦為大家預備咗新年福袋，每個都有「招財喵寶」利是封同埋日本直送招財貓精品
當中包括日本手製招財貓擺件1個、招財布袋1個、開運錢包1款同埋驚喜喵精品1份，全部都好吸引！
商場更加限量推出388個福袋，當中有5個價值較高嘅矜貴版金色招財貓擺件，每件價值$480
新一年，手氣自然會更旺！所以記得唔好錯過，隨時抽到矜貴版福袋！
除此之外，荃錦中心更設置立體招財「喵福寺」，大家可以盡情同巨型招財貓免費打卡
為一眾商戶及市民開運招福，拎個好意頭！