【香港】秋冬要去CAMPING！八鄉豪華露營體驗！有得沖涼有洗手間～｜露營體驗｜放假去邊

秋天涼涼地最適合露營呢啲戶外活動！但冇得沖涼對於女孩子真係有啲卻步！今次介紹呢個豪華露營就冇呢啲問題！仲乜都準備好！拎住個背囊就住得！

呢個全新豪華露營區，2021年5月完成翻新重開，共有3款特色營舍可以選擇，包括： 帆船營、部落營、星空營。

每個特色營舍均都有酒店式配套，包括全新獨立洗手間、冷熱水沐浴裝置、冷暖氣、風扇、風筒、電陶爐、電熱水煲，配帶最少裝備就可入住。

營地亦已進行杜絕蚊蟲工程，務必減少場地蚊蟲數量。仲歡迎寵物入住，與寵同樂。

另設有停車場，泊車位置先到先得。租用 1個營舍均包括1個免費泊車位；額外泊車，不論是否過夜，每架收費為$150。

因應限聚令要求，入住人數參考政府限聚令