迪士尼樂園度假區喺今年聖誕將化身白色國度，同大家一齊過飄雪聖誕！
Duffy同佢嘅好朋友將會喺「Duffy與好友冬雪歡樂巡禮」登場，Duffy同好朋友齊齊換上冬裝同大家一齊Say Hello!
米奇同好朋友則喺城堡前舉行聖誕舞會，大家換上聖誕服飾，一齊載歌載舞！Duffy同ShellieMay、StellaLou、CookieAnn都會加入舞會同大家見面！
喺夢想花園仲有奇妙聖誕市集，有巨型雪花同裝飾，大家可以同朋友屋企人一齊打卡留念！仲有多款聖誕商品同小食特飲～
美國小鎮大街上嘅會客室，就有着上聖誕老人套裝嘅米奇、高飛、史迪仔同大家會面，記得去同佢哋瘋狂自拍！
入夜後，聖誕高飛喺城堡舞台前登場，同米奇米妮等朋友仔，一齊表演「奇妙飄雪聖誕高飛」～加埋噴泉嘅水柱同超多雪花，超有氣氛同震撼。
仲有唔少得嘅聖誕樹亮燈禮，同屋企人同朋友一齊見證綻放璀璨光芒嘅一刻～喺小鎮大街上飄住雪，留下美好回憶！
入得樂園唔少得買紀念品，今次冬日主題就有Duffy與好友、以雪花為主題嘅頭飾仲有飄雪魔法棒！
唔少得嘅聖誕裝飾品！
馬迪小店仲改造成聖誕禮物店，喺入面買到聖誕主題禮品外仲有個打卡位，可以同屋企人朋友仔一齊火爐前同米奇胡桃夾子合照！
除此之外，度假區嘅餐廳同小食亭推出近70款節日美食，仲有傳統嘅聖誕盛宴！
超靚嘅聖誕特選棒棒冬甩！($40)
大街餐廳嘅聖誕大餐！
仲有全新登場《玩轉極樂園》嘅主角米哥同大家喺幻想世界見面！
香港迪士尼樂園度假區
聖誕慶典期間，樂園將由2021年12月15日起至2022年1月2日每天開放