【香港】迪士尼TSUM TSUM春日園遊會！首披12生肖造型同大家見面｜香港玩樂｜放假去邊

迪士尼 TSUM TSUM 角色一向都古靈精怪，今個新年佢哋更會登陸朗豪坊，

化身成12生肖大型裝置，為大家呈獻《迪士尼TSUM TSUM 春日園遊會》，大家一定要去盡情打卡！

今次迪士尼TSUM TSUM米奇會穿上牛牛服飾同大家過年，

仲會率領米妮、唐老鴨、小熊維尼、跳跳虎、三眼仔、高飛、大鼻與鋼牙、瑪麗貓、MO仔同小白一班好友

佢哋會齊齊穿上12生肖唔同嘅造型裝扮，得得意意咁同大家見面！

除咗有大型打卡位之外，朗豪坊4樓通天廣場仲設有全港首間「迪士尼TSUM TSUM 12生肖主題限定店」，

將會發售12生肖迷你公仔，同時仲會推出三百款精美商品，

當中亦包括12生肖造型賀年精品，好似有揮春、利是封、對聯、立體掛飾等等

而且朗豪坊亦特別設計迪士尼TSUM TSUM 12生肖「紅」運福袋，

福袋入面會有「瀛」格利是封同喜慶立體揮春

一套4款嘅「瀛」格利是封分別印上咗TSUM TSUM 12生肖嘅趣緻造型，以唔同嘅日系印花圖案點綴，

4款利是封可並列拼湊成一幅日本傳統屏風畫，仲有燙金壓花效果，勁有特色

喜慶立體揮春同樣用咗TSUM TSUM 12生肖造型設計，並寫上祝賀語，為你嘅新年帶嚟好運！

由1月22日至2月11日，LP CLUB會員於商場即日消費滿指定金額，即可免費換領限量禮品

每人每日可換領一套，數量有限，換完即止，大家記得唔好錯過啦

《迪士尼TSUM TSUM 春日園遊會》
日期︰2021年1月22日至2月28日
地址 ：九龍旺角亞皆老街8號