【香港】高質精緻鐵板燒餐廳,推介1週年10道菜套餐|香港美食|放假去邊

Dec 1, 2021 | Uncategorized

年尾咁多節日,諗好食咩未?未諗好嘅可以試下呢間位於中環嘅鐵板燒。

最近餐廳推出咗1週年套餐,套餐包括多款鐵板燒+壽司料理,值得一試!

餐廳環境舒適~燈光柔和,配上木系裝潢,令人感覺好放鬆。




鐵板燒師傅不時會介紹菜式,仲會詢問客人菜式是否合口味,態度親切自然。

一邊食一遍觀賞師傅整鐵板燒,熱氣騰騰,但室內通風,唔會覺得焗。

土佐醋啫哩配牡蠣:入口清新,有淡淡海水味,但生蠔嘅鮮美都好突出。

季節刺身三點:刺身新鮮,擺盤精緻。

燒鱈場蟹腳:蟹肉有搽上蟹膏,食落好鮮美。

香煎燕鰶魚紫蘇番茄汁:魚肉嫩滑,皮煎得非常香脆,汁調味適中,唔會太濃,會食到魚肉嘅鮮甜味。

北海道帆立貝配牛肝菌汁:藕片香口,配上濃郁嘅牛肝菌汁,帶子煎得啱啱好,外面有種焦香,內裡仲好滑嫩。口感味道層次豐富!

最後一道鐵板燒料理有和牛!

宮崎A5和牛牛柳厚燒:牛肉非常嫩滑,猶如棉花糖般質感,可以配上鹽/芥末食減少油膩感。店內嘅芥末係即磨,唔會覺得太辛辣。

手握壽司三件:壽司擺盤都好靚,壽司上會有特別配料,一口一啖好正!

大蜆麵麵豉湯:湯非常好飲,好清甜,仲有香濃麵豉味。

最後水果有靜岡蜜瓜同青印提子。

套餐做到12月中,想食要提早book位~

T8 Japanese Cuisine
地址:中環蘭桂坊15-16號協興大廈5樓(中環站 D2 出口, 步行約4分鐘)
電話:23938133
營業時間:
星期一至日
12:00 – 14:30
18:00 – 22:30

*以上資訊只供參考,如有任何變化或更改均以現場情況或商戶決定為準*