最近因為疫情，唔少人走向郊外，親親大自然~
丹麥一間建築設計公司EFFEKT
就喺首都哥本哈根附近一片受保護森林Gisselfeld Klosters Skove內，
興建咗一條景觀步道，連接住呢座45米高嘅Camp Adventure Tower！
名為「The Treetop Experience」嘅木製景觀步道全長600米，
除咗最引人入勝嘅觀景塔外，中途仲會走經鳥舍、休息區、交叉平台等~
至於呢個設計精湛嘅觀景塔就係步道嘅底端，
採用咗無障礙緩步斜坡，等遊客可以舒適不吃力就緩緩行到上最頂~
沙漏形設計亦增加咗高塔嘅穩定性，
而且整個景觀步道嘅低層、高層、景觀塔
都會各自欣賞到唔同樹齡與品種嘅樹，設計非常貼心特別
Camp Adventure Tower聳立於Gisselfeld Kloster森林中，
能俯瞰到當地罕見嘅丘陵地形、小溪、湖泊、濕地等豐富自然生態
黃昏時份到來更加能欣賞到美麗嘅日落與樹景，相當浪漫~
Camp Adventure
地址：Skovtårnsvej 1, 4683 Rønnede, Denmark