【日本】京都歷史景點～特色紅磚建築設計 必訪古色古香水道橋！ ｜日本旅遊｜放假去邊

京都係一個古色古香，充滿韻味嘅地方，

而位於南禪寺嘅水路閣，亦係一個唔可以錯過嘅景點！

雖然有唔少人會以為係一道歐洲嘅水道橋，

但其實係南禪寺嘅水路閣～

水路閣建於日本明治時代，

作用係引導琵琶湖水進入京都，所以擔當著重要嘅角色～

由紅磚砌成嘅水道橋，參考著古羅馬時代嘅建築特色～

長橋由拱形嘅支柱形成，相當優美！

水路閣上面設有步道，

唔少人都鍾意喺春天時賞櫻、秋天時賞楓～

就算係平日都吸引唔少人嚟打卡～

下次嚟京都，有時間都可以過嚟參觀！

京都水路閣
地址：日本京都府京都市左京区南禅寺福地町