如果你係一位柯南漫畫迷，咁就要去一次柯南作者青山剛昌嘅故鄉——柯南站/由良站喇！
呢個車站周圍都係同柯南有關嘅嘢，其中有五大景點絕對係必睇嘅！
1. 柯南大道
柯南大道嘅路線好清晰，有哂每個地點嘅指標～
連路癡都唔會有難度呀!
2. 朝倉書店
沿著柯南大道嘅第一個轉彎位，就嚟到作者細個成日幫襯嘅書店～
裡面有二十幾幅由作者親自繪製嘅簽名板，仲有柯南系列嘅商品添～
柯南迷唔好錯過喇！
3. 柯南大橋
橫跨由良川嘅柯南大橋，可以欣賞到最靚嘅風景～
旁邊亦分別有柯南，同埋新一、小蘭約會嘅雕像等住你去打卡！
4. 柯南的家・米花商店街
以全新洋房打造嘅「柯南的家・米花商店街」係2017年先設立，裡面仲有餐廳添！
不過講到最特別一定係仿製柯南裡面場景嘅大門～
試吓按下門鐘…小蘭、新一、柯南各角色嘅原聲就會嚟應門！
5. 青剛昌故鄉館
嚟到最萬眾期待嘅一站，就係青山剛昌故鄉館喇！
館內樓高兩層，除咗展出作者嘅原稿之外，亦有模擬辦公室、道具互動體驗區～
想成為名偵探？咁就要睇吓你可唔可以解開館內提供嘅謎團喇～
細細聲同大家講…
如果你運氣好，仲有機會坐到非固定時間開出嘅柯南彩繪列車添！
柯南站/由良站
地址：鳥取縣東伯郡北榮町由良宿 1414
營業時間：早上9:30至下午5:30
交通：乘搭JR西日本山陰本線（開往米子方向）至柯南站
===============