剛剛過咗一年中最熱嘅大暑，
講起夏天，大家又會諗起邊個地方呢？
小編我就諗起泰國啦！
回憶返醇香嘅泰式奶茶就覺得懷念，而喺台中，竟然有店主將泰式奶茶化為雪糕，一解暑熱！
「泰奶奶的 Thai Grandma’s」原為喺台灣高雄非常出名嘅手沖泰式奶茶鋪，出名濃郁、天然、地道~
而最近就喺台中開咗分店，更推出台中店限定嘅「地道泰式奶茶味」雪糕，將飲品嘅原料用喺雪糕上，保證原汁原味，且夠哂冰涼！
不過，除咗原味之外，最受熱捧嘅當然係假日限定「雙色混合雪糕」，分別有橙啡色嘅泰式奶茶味道以及藍色嘅海鹽味~
外貌上，夢幻嘅橙藍色結合已經非常搶眼吸引，且味道都係相當稀有難得嘅味道，都好難怪佢一炮而紅！
味道上，泰式奶茶嘅茶香味唔會蓋過海鹽，反而鹹甜鹹甜嘅感覺好特別唔會覺得食得膩！不過就要小心雪糕喺炎炎夏日底下都好容易溶！
「泰奶奶的 Thai Grandma’s」（台中店限定雪糕）
一中店地址：台中市北區尊賢街16號
Instagram：@thaigrandmas.one