位於台灣新北市嘅「深澳鐵道自行車」自開幕以來一直人氣爆燈，
而且會不定時隨季節或節慶推出主題燈飾，
因應最近夏日炎熱，自行車晚間嘅班次增多，更新增咗如同星空般嘅浪漫燈飾！
今次嘅夜間燈光藝術會由晚上6點到8點半亮燈，以山海景緻同永續環保為主題~
一開始由月台出發，就會睇見閃亮嘅燈飾滿佈頭上，如同繁星照耀嘅星空，令人見到都心情靚！
之後仲會經過一系列嘅彩色泡泡與螢光水母，視覺享受滿分
最後穿越一段幻光變換嘅宇宙隧道就完成是次嘅奇幻之旅~
不過呢個夏季限定嘅星空隧道非常搶手，一定要預先預約購票~
不過就算book唔到，日頭嘅自行車風景都係非常美麗！
「深澳鐵道自行車」夏季限定星空隧道
地址：新北市瑞芳區建基路2段121號
活動日期：2020年7月1日－9月30日
預購網址：https://www.railbike.com.tw