坪洲一日遊 輕鬆行山嘆冰室 | 假日好去處 | 放假去邊

Dec 20, 2016 | Uncategorized

唔講唔知，原來坪洲面積得三分一個長洲咁大!
就係勝在島仔細細少啲人，真係好舒服~ 推介俾大家去hea大半日!

文 : Jaime (IG: @ jaimehomusic)

六七十年代係繁盛嘅商業中心，所以好有懷舊特色!
例如坪洲石屋、天后宮都係香港三級歷史建築物~

行入內街，周圍都係呢啲懷舊鐵閘~




 

坪洲有幾間有名冰室，今次就試試好受歡迎嘅蝦多士啦~

祺森冰室
地址：坪洲永安街3B地下

蝦多士餐

全日早餐

 

金源冰室亦係坪洲另一老字號冰室，由一個家庭經營，非常親切!

坪洲永興街15號地下

公司炒通係招牌菜之一，大雜燴得嚟好入味~

奶茶紅豆冰 (好少地方有架!)

 

金源冰室正旁邊，就係單車出租店
不妨考慮下單車遊坪洲!

老闆話1個鐘咩都夠，小編試過，1個鐘真係好夠!

 

沿住志仁街，行到篤就係東灣~ 沿路見到有間粉紅色嘅學校，忍唔住要影相!

有山有海有沙灘，點都要影下照騙….

 

>> 石澳10個影相位! 影盡歐陸彩色小屋

 

沙灘旁係悅龍聖苑，又叫龍母廟，可進內參拜

跟住就出發去手指山、銀洲仔亭。呢條路線喺行山嚟講真係極短程，而且輕鬆!
都幾易搵嘅，公廁嘅左後方就係起點啦~

見到分岔路，左邊上就行三百幾級樓梯，想舒服啲可以行右邊上去，路面較平

話咁快就上到95米高嘅手指山!

向下行就可以去到180度海景嘅銀洲仔亭，又稱天涯海角。

遠處係愉景灣、青馬大橋、尖沙咀、中環~


行到入去果吓，小編真係覺得有啲似去咗世外桃源⋯⋯

落山之後又再食~ 蕃薯、魷魚都炸得勁香勁脆! 堅好食!
炸蕃薯 $8, 炸魷魚$8

華記小食
地址：坪洲志仁里2B 號地下

食完野去返碼頭，沿海邊行去坪洲嘅西北面－大利島
呢度啱哂睇日落~~~~

呢度有七彩花崗岩石、珊瑚，呢舊就叫烏龜石

最後影多幾張照騙就走人喇~

坪洲
前往方法：於中環6號碼頭乘坐渡輪

延伸閱讀：
>> 機場維修區 影落日、睇飛機
>> 谷埔蘆葦田極易行! 親親大自然影靚相無難度!

– – – – – – – – – – – – – – – – – – – – – – – –

放假去邊 更多好介紹:
快啲like我哋Facebook
同follow我哋Instagram啦!

*以上資訊只供參考，如有任何變化或更改均以現場情況或商戶決定為準*