太子人氣餃子屋 超正生魚豬骨湯底｜香港美食｜放假去邊

太子有間街坊餃子名店，
唔止煎餃湯餃大獲好評，
佢嘅足料野葛菜生魚豬骨湯更加係必飲推介！

店裡主要賣3款餃子，有韮菜肉餃、雲耳椰菜肉餃同白菜肉餃，可以叫煎餃或者湯餃～

韮菜煎餃外皮煎得香脆可口，餡料十足脹卜卜！

煎過嘅餃子外皮香脆但又唔會過硬，中間包著韮菜肉餡，鮮嫩香甜又多汁，加埋店鋪自製嘅辣菜脯同醋，酸酸辣辣勁開胃！

湯餃淨係個餃子皮都已經冇得輸！外皮入口滑溜，而且厚薄適中，放在湯入都都冇穿，不愧為手工餃子！

粒粒餃子都大過隻湯匙，勁足料，多菜少肉，好有咬口！
加埋自製嘅辣菜脯簡直停唔到口！

獨家招牌野葛菜煲生魚豬骨湯！！好多人食呢間餃子屋都係為咗個湯底！湯底足料濃郁，鮮甜味道啱啱好，唔會過鹹，重點係冇落味精，好有媽媽嘅味道啊～

美味餃子店
地址：太子大南街74號地下F號舖
營業時間：星期一至六: 11:00 – 00:00　星期日休息

===============

放假去邊 更多好介紹:..
快啲like我哋Facebook
同follow我哋Instagram啦!