尖沙咀係香港繁華熱鬧嘅地區之一，
周圍都有唔少餐廳～
午餐或者晚餐諗唔到食乜好？
以下呢幾間不妨考慮一下！
（排名不分先後～～～）
===========================================
1. Burgeroom
尖沙咀有間美式漢堡包店出名好食！
佢嘅鵝肝牛肉漢堡真係好吸引～
兩大件入口即溶嘅鵝肝，仲有充滿肉汁嘅勁厚牛肉，香氣十足～
加埋熱熔芝士同蕃茄，口感好豐富！
性價比高，勁邪惡！
INFO.
地址：尖沙咀彌敦道132號美麗華廣場一期2樓207號舖
==========================
2. 星座冰室
嚟度超過40年嘅懷舊冰室，識食一定係叫「招牌番茄麵」！
店內蕃茄麵提供煎蛋、炒蛋和撈蛋三種～
但十個有九個客人都一定揀撈蛋！小編私心覺得係最好食㗎！
蕃茄湯底好濃郁，加埋芝士更惹味～
食麵嗰陣仲可以食到蛋花同蕃茄粒，好滋味！
INFO.
地址：尖沙咀金巴利道16-20號香檳大廈地庫36號
==========================
3. 十和田
相信日本菜係唔少人至愛！
呢個三色丼人氣相當高！
有齊蟹膏丼、海膽丼、吞拿魚丼～～
蟹肉鮮甜濃郁，份量十足；海膽味道甘甜，入口即融！
而吞拿魚蓉色澤粉嫩，味道亦相當突出！
一次過可以滿足你3個願望，絕對係高CP值！
INFO.
地址：尖沙咀金馬倫道42號華懋金馬倫中心地下
==========================
4. 蘭芳園
經典之中嘅經典，一定唔少得佢！
呢度嘅蔥油雞扒撈丁真係數一數二咁好食！
用特製薑蔥油撈成嘅出前一丁麵，口感彈牙！
雞扒亦煎得又香又脆，仲好入味！仲有大量椰菜添～
叫多一杯奶茶嚟飲仲正啊！
INFO.
地址：尖沙咀彌敦道36-44號重慶大廈地庫HeathS09號舖
==========================
5. 東京食堂
嚟過呢間餐廳幫襯嘅朋友，都會異口同聲話必食蒲燒鰻魚飯！
呢個蒲燒鰻魚飯以定食形式，可以揀原條或者半條鰻魚～
呢度嘅鰻魚又香又肥美，側邊位置仲燒得好香脆，
加埋燒汁真係好吸引！睇見都流口水！
食多一碗飯都仲得啊～
INFO.
地址：尖沙咀柯士甸路15A柯士甸大廈地下D舖
==========================
6. 六両三
想去尖沙咀食台灣菜？
呢間由台灣人主理嘅餐廳有好食嘅牛肉麵～
湯底以10斤牛筒骨熬製而成，標榜唔落味精～
而麵條則亦係由本地麵廠製作，誠意十足！
INFO.
地址：尖沙咀宜昌街3號地下
===============
【自助餐買一送一】尖沙咀海景嘉福洲際酒店Cafe On M 任食鱈場蟹腳+麵包蟹+帶子刺身
【酒店自助餐買二送二】九龍東皇冠假日酒店自助餐優惠，低至人均$209/位+任食即開生蠔+刺身！
【$1龍蝦】尖沙咀Shake Shake 海鮮晚餐買一送一！加$1食波士頓龍蝦！