JR西日本新幹線同新世紀福音戰士合作嘅500 TYPE EVA列車終於要退休喇~ 接捧嘅將會係Hello Kitty呀!
係咪好心急想睇吓列車入面係點嘅呢? 一於嚟個大公開啦!
JR西日本Hello Kitty新幹線將於2018年6月30日開始運行至9月29日，率先會係舉辦「山陰Destination」活動嘅鳥取縣Kitty列車同島根縣Kitty列車，隨後大阪、兵庫、岡山、廣島、山口及福岡嘅限定車廂亦會陸續登場!
由新大阪到博多區，一共有八節車廂。以「つないで、結ぶ（繫、結）」為設計概念，而車身用彩繪緞帶去設計，加上招牌Kitty蝴蝶結，成架列車都係粉紅色呀!
每個地區更加可以搵到唔同嘅Kitty設計，好有心思~
其中第一、二號車廂更加係Kitty迷必必必去!
一號車內部車廂主要係介紹西日本嘅各大特色，當中仲設有商品區售賣Kitty紀念品添!
至於二號車內部車廂設計除咗有休息區之外，仲有唔少影相打卡位~
Kitty迷又點可以錯過!
嚟緊暑假會去西日本旅行嘅朋友，記得預先留意列車時間表喇!
Photos Credit: jr-hellokittyshinkansen.jp
===============
【郵輪假期】亞洲最新智能郵輪海洋光譜號！香港來回日本低至$920/位！
【卡丁車體驗】體驗真人版Mario賽車！日本卡丁車體驗集合！
【日本租車】沖繩自駕遊攻略！自駕景點+費用＋租車5大注意位！