去泰國旅行, 好多人都會一袋二袋泰式零食/公仔麵帶返黎做手信
知唔知泰國其實有好多護膚品/驅蚊良品, 連當地人都當係寶?
下次去泰國玩, 可以考慮下買以下呢d做手信啦!
1) 臥佛青草藥膏
臥佛牌青草藥膏係當地人必備嘅多功能常用藥，可以話係泰國版嘅「白花油」!
蚊釘蟲咬、暈車都用得!
買幾樽黎旁身的確唔錯! 送俾長輩都唔錯架~
2) 蛇牌爽身粉
泰國天氣又熱又潮濕, 汗狂流, 又濕又有汗味, 好尷尬呀!
所以好多泰國人都會用呢隻爽身粉, 吸汗之餘仲好乾爽, 而且仲有香味~
有傳統玫瑰味同清新海洋味
未用過嘅朋友, 可以買細size試下! 手信一流!
3) soffell蚊怕水
soffell係泰國第一驅蚊品牌! 如果呢隻蚊怕水連泰國D惡蚊都驅到, 咁真係好值得買返香港慢慢用!
建議大家可以隨身攜帶一枝，可防蚊達七小時~~
仲唔怕好大陣蚊怕水味, 因為佢有玫瑰味同橙味
4) 雙頭薄荷吸鼻劑
薄荷吸鼻劑可以話係泰國代購no.1! 好多人一買都會買成排~
雙頭設計, 一邊用黎吸, 對付鼻塞
另一邊係液體, 可以用黎搽, 提神醒腦無問題!
5) 雅倩珍珠美容膏
泰國女仔當係寶嘅珍珠美容膏, 聽講有美白功效!
好多人一買就買好多盒帶返去派俾朋友~~
6) BATH & BLOOM 香氛油
BATH & BLOOM係泰國知名SPA品牌, 價錢唔貴, 又好用! (好受OL歡迎!)
茉莉花味同檸檬草味嘅香氛油就最好賣~
沐浴系列都唔錯! 如果鍾意呢D香味, 可以試下買返枝! 有舒緩緊張情緒嘅功用~
(機場免稅店都售, 免稅後更平)
——————————————-