灣仔地道正宗船麵 連泰國人都話好食!|香港美食|放假去邊

Mar 15, 2019 | Uncategorized

香港有唔少泰國餐廳,灣仔石水渠街都有一間好值得介紹!

呢間餐廳嘅老闆係澳洲人,曾經喺泰國工作,本身對泰國菜充滿濃厚興趣~

加上又有唔少做廚師嘅經驗,喺2016年終於決定開一間屬於自己嘅餐廳!

雖然以香港泰式餐廳嚟講,呢度嘅定價比較高,但依然人氣不減!

更加有唔少人願意花成個鐘頭嚟排隊,為嘅就係呢碗招牌和牛船麵




呢度嘅香料同食材堅持採用泰國產地,務求煮出最地道好食嘅食物!

睇佢嘅湯底真係好濃郁,味道鮮甜!

和牛煮得恰到好處,充滿牛羶味!

仲有牛肉、牛腩嘅肉質相當鮮嫩,自家製牛丸亦爽口彈牙!

配埋脆卜卜嘅炸豬皮~加分!

船麵份量亦足夠,吸收哂湯嘅精華~

食落好惹味!難怪會吸引一班食客慕名而嚟幫襯~

 

泰麵
地址:灣仔石水渠街68號地下

 

===============

放假去邊 更多好介紹:
快啲like我哋Facebook
同follow我哋Instagram啦!

放假去邊!?