【本地珍珠工作坊】親手開蚌尋珍珠！製作專屬自己嘅頸鏈耳環｜香港玩樂｜放假去邊

最近天氣都好好，啱哂出海、親親大自然，
除咗船P、去沙灘玩，有無諗過可以出海採珍珠！

珍珠養殖協會一直有舉辦「珍珠首飾D.I.Y工作坊」，會由導師親自教授珍珠嘅知識，教大家親手開蚌尋珠，等大家都可以製作屬於自己獨一無二嘅珍珠首飾！

參加者會先喺「西貢白沙灣碼頭」集合，乘搭街渡去到「海上養殖場」後，導師就會開始講解珍珠嘅形成、養殖、歷史等，再示範開蚌~

導師都會帶大家參觀養殖場，展示已採集嘅珍珠等等，等大家袋得走珍珠之餘，都袋得走知識XD

到大家實戰開蚌時，可以不斷開直至成功開到有珍珠，甚至有機會會開到雙珍珠或超巨型8cm珍珠，小編就好好彩開到雙珍珠！

成功開蚌後，就要將珍珠加工打造成靚靚嘅首飾~

工作坊套餐包哂所有裝飾，有好多類型，全部都好靚，可以整成頸鏈、手鏈、耳環等，小編就偏愛呢個帶點時尚感嘅鏤空立方體，會襯到個珍珠好靚~

成功整好兩條美輪美奐嘅頸鏈，送比人又得，自己戴都得~
仲可以搵埋另一半/fd子一齊整返條Couple首飾，都係個唔錯嘅約會之選！

順帶一提，個到嘅環境幾靚，啱哂影相、享受無敵大海景，
小編都私心推介大家去玩下、輕鬆下，又可以認識海洋生態，
除咗首飾之外，都有「親子首飾工作坊」、「親子貝殻海洋首飾盒製作」等等，一家大細都啱去！

快啲報名參加啦！
透過Kkday參加請按以下連結:

==========
透過Klook參加請按以下連結: