美食情報! 馬來西亞十大必食推介! |馬來西亞|放假去邊

Apr 21, 2017 | Uncategorized

嚟馬來西亞玩,周圍都有美食~

小編有好介紹~推介大家必食以下呢10款國民小食!!

 

1. Roti Tisu(紙巾餅)
呢嗰係又薄又脆嘅紙巾餅麵包~
仲有甜甜嘅糖粒鋪係表面嫁~
直接食或者沾咖哩食都好正!
仲可以拉到好高tim~

 




2. Roti
「Roti」馬來話係指麵包或印度煎餅~
口味可以變化無窮,仲有甜又有鹹~
所以係唔少人必食嘅美食嚟嫁!

 

3. Nasi Lemak辣死你媽
唔好誤會~
呢個只係馬來西亞人由細食到大嘅食物~
「辣死你媽」主要係以參巴醬、椰漿飯同冷當雞之類…
仲有小黃瓜同炒過嘅花生、小魚乾一齊食
味道甜中帶辣~ 好過癮!!
值得一提,參巴醬係東南亞嘅辣椒醬,當中用咗十幾種唔同嘅辣椒而製成~
難怪「辣死你媽」咁好味啦!

 

4. 福建炒麵
「福建炒飯」係香港就聽得多…
嚟到馬來西亞就聽到嘅反而會係「福建炒麵」~
呢種麵係吉隆坡一帶嘅華人群係非常流行嫁!
主要係用鹼水黃麵,加埋豬油、蝦子、黑醬油、豬肉片、花枝、高麗菜、豬骨高湯等材料燜炒~~
仲會加入參巴辣椒醬tim~

 

5. 肉骨茶
除咗係新加坡之外,肉骨茶係馬來西亞都好出名!
作為創始地嘅馬來西亞,中藥味相對較新加坡肉骨茶重~
飲咗仲好補身嫁! 😀

 

6. 炒粿條
炒粿條,其實即係平時叫嘅「炒河粉」~
係馬來西亞嘅大排檔同小食攤檔都會有!
大家可以試下同平時食開嘅有咩唔同~

 

7. Laksa (叻沙)
叻沙係必食嘅!!!
作為馬來西亞嘅代表性美食,唔食過好似無嚟過馬來西亞gum!
唔同地方一樣食到唔同味道~
湯用魚熬出嚟,再加入帶有辣味嘅蝦醬~
香辣又甘甜濃郁,同麵一齊食真係超好味!!!!!
無得輸!!!

 

8. Rojak (囉喏)
Rojak係馬來話有「混合埋一齊」嘅意思,亦係指沙律~
裡面你諗到諗唔到嘅材料都有!
有油條、菠蘿、薯仔、蕪菁 (大頭菜)、沙葛等,真係amazing~
唔止呀! 最後仲會落埋以蝦醬、糖、辣椒和青檸汁混合而成嘅醬汁,同埋灑上花生粉~
老實講,口感係好特別~
甜、酸、苦、辣、鹹,仲有蝦醬嘅口感,好唔好味真係見仁見智~
有機會不妨試試!!

 

9. 煎蕊
講到國民美食,梗係唔少得陪伴當地人嘅煎蕊啦!
利用綠豆粉製成嘅綠色條狀,加埋紅豆、大豆、椰奶、紅糖同冰一齊吃~
又幾爽口wor~ 仲甜而不膩tim!

 

10. ABC
ABC嘅馬來話係指Air Batu Campur,即係馬來西亞挫冰~
係酷熱天氣之下梗係要試下食挫冰啦!
一碗冰裡面就有仙草條、花生、鹹粟米,同埋水果…
食完真係好滿足!!

 

===============

放假去邊 更多好介紹:
快啲like我哋Facebook
同follow我哋Instagram啦!

*以上資訊只供參考,如有任何變化或更改均以現場情況或商戶決定為準*