親子必訪神戶麵包超人兒童博物館 + 全新「細菌小子秘密基地」｜日本旅遊｜放假去邊

帶小朋友一齊去旅行，行程上點都要花啲心思~

如果你諗住嚟神戶玩，咁呢個親子景點就啱哂喇!

目前全日本只係得五個地方可以搵到麵包超人兒童博物館，而全新嘅細菌秘密基地更加係得神戶呢度先有㗎!

喺呢度~ 周圍都係同麵包超人有關嘅卡通圖案~

難怪會吸引唔少小朋友嚟影相啦!

除此之外，小朋友有機會體驗到由桿麵到烘烤嘅做麵包過程~

仲有體能挑戰探險區~ 裡面有滑梯、小火車、模擬火車同飛船等設施~

如果時間拿捏得好，仲有機會欣賞到麵包超人表演添㗎!

 

參觀完博物館之後，仲可以去埋細菌小子秘密基地（バイキンひみつ基地）!

雖然「細菌小子」係麵包超人嘅宿敵，但擁有天才科學家頭腦又愛搗蛋嘅「細菌小子」依然有唔少粉絲!

除咗「細菌小子」製造出嚟嘅細菌飛碟同小病毒飛碟之外~

仲有凹凸路、繩網、滑坡道、齒輪道具等~ 絕對滿足到一班活潑好動嘅小朋友呀!

想小朋友玩得開心又滿足~ 下次不妨帶佢地嚟麵包超人嘅世界!

 

神戶麵包超人兒童博物館/細菌小子基地
地址：神戶市中央區東川崎町1-6-2
營業時間：早上10:00至下午6:00 (下午5:00為最後入場時間)
電話：+81-078-341-8855
交通：由JR「神戶車站」落車歩行8分鐘 / 由神戶市營地下鐵「海港園地」站落車步行8分鐘 / 由阪急・阪神・山陽電車「高速神戶」站落車步行13分鐘就到

 

===============

放假去邊 更多好介紹:
快啲like我哋Facebook
同follow我哋Instagram啦!