賞花季又開始！台北超美粉紅櫻花浪漫登場 ｜台灣旅遊｜放假去邊

雖然天氣不似預期，全球疫情依然持續，

但係陽明山嘅櫻花就冇因為咁而遲到！

話咁快又開始有得睇喇！

每年台灣北部都係最早開櫻花嘅地區，

想睇？第一站緊係去陽明山附近嘅平菁街啦！

沿著平菁街42巷開始，沿途種滿櫻花木～

大多數都係日本品種嘅富士櫻，

所以唔少人都會趁著假日嚟一睹夢幻粉紅花海！

間中粉紅花瓣仲會由空中飄落地面，

係咪好浪漫呢?

今年飛唔到去台灣睇花嘅朋友，唯有睇著相先，

等疫情過後再期待下一次嘅櫻花盛放啦！

平菁街櫻花巷
地址：台北市士林區平菁街42巷