韓國有插畫家創作咗一系列迪士尼反派著韓國古服嘅插畫，新鮮感令IG上勁多人讚好～
反派角色全部都係經典卡通人物，而且全部都變成俊男美女，嗰種同記憶中，
反派兇惡醜陋嘅印象完全相反嘅違和感，就覺得好有趣但又俾佢哋嘅靚樣吸引！
嗯……如果烏蘇拉真係咁嘅形象，相信佢點壞都唔會有人討厭～
白雪公主后母如果係咁嘅樣，魔鏡一定係講最靚嘅人係佢，都唔使殺白雪公主后啦！！
呢個賈方個樣壞壞地又有啲型～我係茉莉嘅話應該都幾難揀～
黑魔后嚴格嚟講唔算反派啦～但又真係畫得好可愛動人嘅～
鐵鈎船長型到直情係韓國古代嘅男神！
OK…我承認我係王子嘅話我會揀佢哋3個都唔要灰姑娘～～
《迪士尼韓服反派角色》
網址: woohnayoung
【酒店優惠】迪士尼好萊塢酒店翻新重開~4人入住房價低至人均$280！