上海迪士尼 攻略!

小小編上月底已經直擊完上海迪士尼！究竟上海迪士尼同其他迪士尼有咩唔同？有咩係獨家？有咩係必睇？

– 注意 –
此文內容已包必玩+唔買都要睇嘅攻略 閣下可以安心閱讀!

[highlight] – 門票價錢 – [/highlight]
門票大概分兩種, 標准成人票 同特惠票(兒童/長者/殘疾人士)
而且亦分假日同平日兩種價錢

成人 :  370元 (平日)、499元 (假日)
特惠：280元 (平日)、375元 (假日)

詳情可查閱官網

 

開幕特別版門票係簡單嘅設計~

入到樂園，第一時間唔係周圍影，係要去攞Fast Pass 特快證!

由於同一時段 只可以攞一個機動遊戲嘅Fast Pass，所以強烈建議大家去攞「明日世界」Tron嘅Fast Pass! 必玩!
[highlight] – 機動遊戲攻略 –  [/highlight]

1. Tron 創極速光輪

上海迪士尼與別不同嘅係 佢有獨一無二嘅半室內半露天嘅過山車— Tron 創極速光輪

小小編認為呢個真係「Must 玩item」，除左因為佢係上海迪士尼嘅獨家機動遊戲之外 (即係其他迪士尼係無架!)
Tron嘅電單車座椅設計更加係無得彈!

坐住電單車玩過山車，係半露天半室內嘅跑道奔馳，真係勁有未來感呀!

>>建議: 衝去攞Fast Pass，再即刻排隊玩一轉先，玩完行一陣又可以用Fast Pass再玩過! 真係會上癮架!

 

2. 加勒比海盜 – 沉落寶石之戰

呢個雖然唔係贏刺激，但佢嘅4D體驗係無得輸! 無論係架船，定係4D天氣投影，都好迫真，好電影敢!

重點係，香港無，絕對可以挑戰下，同埋唔洗排好耐!

 

3. 七個小矮人礦山車

對小小編而言，七個小矮人礦山車其實係 無倒後版嘅「灰熊山谷」，刺激度係合格
點解要推介? 因為佢係難得有排「單人乘客」隊嘅過山車~
如果同朋友一齊黎又唔介意暫時分開坐 可以試下玩呢個! (小小編當時5分鐘就排完!)

 

[highlight] – 唔買都值得去睇 嘅 迪士尼精品攻略 – [/highlight]

登登登凳~~~ 上海迪士尼最出名嘅 莫過於「金色米奇」啦!!

不負所望，眾裡尋他，終於搵到~~~

 

當然唔少得超有中國特色嘅「唐裝米奇」啦!

唐裝米奇唔難搵，周圍都見到佢嘅蹤跡~!

 

接住落黎要介紹嘅，又係上海迪士尼獨家嘅「生肖精品」

最特別最精致嘅係呢款用迪士尼卡通人物去整嘅生肖鎖匙扣啦~

狗年係 布魯托

虎年係跳跳虎

豬年係「反斗奇兵」嘅火腿博士

鼠年就係五星級大鼠~ 好奇點解唔用米奇呢??

 

[highlight] – HOT TOYS 朝聖攻略 – [/highlight]

Hot Toys簡直係MARVEL+星戰迷嘅天堂! 估唔到係迪士尼小鎮搵到!

Hot Toys中國旗艦店落戶迪士尼小鎮(上海迪士尼園區外)，若持有當天有效嘅門票，可於晚上7點前自由進出樂園，大家玩到攰可以去Hot Toys朝聖!

不過係要排隊架!!

內有Marvel+星戰兩大售賣區，眾多珍藏Figure現場展示，電影實景般購物體驗，重點係, 有多款獨家特別版周邊限量發售!

[highlight] – 交通攻略 – [/highlight]
搭地鐵最方便! 直接搭去11號線嘅「迪士尼站」
由地鐵站行去迪士尼樂園門口大概要8分鐘!

嗚謝 : [highlight] 中旅社 [/highlight]