【中秋好去處】2023中秋節活動大集合！賞月活動+中秋市集+工作坊！

By Ronnie Yu on 15 Sep 2023

就到中秋節，諗好去邊到賞月未呢？小編精選咗一系列中秋好去處，包括郊區或市區追月及賞月地點、豪華露營、中秋花燈會、工作坊，以及商場中秋活動等俾大家歡度佳節！

=================

1. 海港城：「月之色」工作坊放題

約埋親朋好友，一齊報名參加9月15-17日喺海港城舉行嘅「月之色」工作坊，不同創意手作工作坊任你揀嚟玩，由時裝、配飾、家品、自然護膚等，均環繞月之色主題，俾你手作最喜愛嘅月亮色彩！每位參加者只需一張門票，便可在3小時內任揀多個各有特色又富創意嘅工作坊，而每個工作坊均是由本地獨立品牌設計師專誠打造，讓你與設計師交流手藝，更可即場完成原創設計好物！