今個新年想睇啲唔一樣嘅嘢？！咁你就要去時代廣場啦

今年時代廣場邀請咗匈牙利視覺藝術家同設計師Kissmiklos，帶咗佢嘅招牌笑臉球 emograms首度來港

於即日起至2月28日期間，呈獻「金銀滿屋福滿年」新春企劃，同大家一齊過一個開心新年！

商場有多個由emograms 設計嘅新春限定巨型藝術裝置、互動打氣專區、藝術展覽，

大家望到咁多Happy Faces，心情都一定會變更好！

巨型emograms吊燈現身時代廣場中庭，8款巨型充氣emograms笑臉充滿正能量

以英文字「COOL」、「LOVED」、「HAPPY」、「FULL」、「SMILE」、「 GOOD」、「LUCKY」圭埋「ENJOY」組合而成

首次用上金屬色調嘅kissmiklos寓意吉祥，好有新年氣氛！

另外更有由「GOOD」同「LUCK」兩個巨型emograms所組成嘅藝術裝置，同樣都係打卡熱點

當中「LUCK」金色emograms係設計師為今次企劃而特別設計，閃亮外型勁吸晴

而「GOOD」同埋「LUCK」兩個巨型emograms中間更掛有印上kissmiklos首個設計嘅中文字「福」嘅揮春牌，好有特色

商場亦設有巨型互動打氣專區，大家可以搵到三個代表「甜甜蜜蜜」、「金銀滿屋」同埋「幸福滿滿」嘅打氣筒

打氣筒內分別裝滿以「LOVED」、「LUCKY」同埋kissmiklos特意為此企劃設計嘅「FULL」emograms，

只要按下打氣筒前嘅打氣裝置，多個「LUCKY」emograms將於筒內翻滾流動，新一年一定財源同好運滾滾來

當然唔少得高達兩米嘅招財貓藝術裝置，三個毛茸茸嘅招財貓身上印有「福」字，

齊齊企喺印有寓意為「恭喜發財」嘅的「KUNGHEIFATCHOI」巨型佈景板前，大家記得搵佢哋影相啦

而展覽廊亦係主打！展覽柱上展出六個精選立體emograms

包括「GOOD」、「HAPPY」、「LOVED」、「LUCKY」、「ENJOY」同埋「SMILE」，

大家可以欣賞到設計師kissmiklos多個經典設計，機會難得！

時代廣場亦推出限定嘅手鞠球「富貴團圓」利是封同埋「好事成雙」利是袋，

大家可以喺2021年1月25日至2月8日企劃期間，消費滿指定金額即可免費換領

今次一套八個嘅利是封融合咗刺繡、絨毛同燙金等各種工藝，好似藝術品一樣咁靚

依家只需於2021年1月25日至2月8日期間，喺時代廣場即日以電子消費滿指定金額，

即可進行網上登記「Happy Rewards推廣活動」成為會員，換領「富貴團圓」利是封及「好事成雙」利是袋！

時代廣場利是封、利是袋換領詳情︰

換領日期：2021年1月25日至2月8日

時間：上午10時至晚上10時

地點：時代廣場五樓及九樓換領專櫃