【香港】尖沙咀築地壽司店!三倍大巨無霸壽司|香港美食|放假去邊
生活日常    1960 瀏覽 


share by whatsapp share by line

適逢日本黃金週假期,疫情下大家都無得飛日本,呢間日本人氣過江龍餐廳うまい鮨勘,推出全新「鯉躍黃金山盛合」,將色彩繽紛嘅鯉魚旗搖身一邊送到小朋友手上,俾各位小朋友喺香港,都可以感受日本傳統兒童節日嘅氣氛。

每年的4月29日至5月5日係日本黃金週假期,每日都有唔同嘅節慶意義,適逢最後一日就係日本兒童節,日本各大城市會喺5月5日呢日舉行節慶,每屋每戶都會係門口掛滿鯉魚旗作裝飾,寓意祈願兒子可以快高長大、消除厄運。

 

鯉躍黃金山盛合(每日限量發售),分量簡直係壽司之中嘅巨無霸啊~每個壽司分量都比平時常見嘅壽司大足足3倍,極具份量,最啱打卡,三份壽司都加入金箔點綴。
粉紅鯉魚特盛軍艦(圖:右1),用上以北海道海膽、吞拿魚蓉、三文魚籽同魚子醬。
雪白鯉魚山盛軍艦(圖:左1),同樣以北海道海膽、甜蝦、厚切帆立貝、蟹籽、三文魚籽。
黃金鯉魚滿盛軍艦(圖:中間),有松葉蟹棒、蟹肉蟹膏、金箔、北海道海膽同三文魚籽。

餐廳都十分顧忌兒童需要,所以亦準備咗熟食款俾小朋友揀番,仲用上可愛嘅車仔將食物送上。

只要惠顧任何兒童餐,即刻獲贈柏餅1塊,在日本慶祝兒童節,柏餅是小朋友必食的應節食品,柏餅係日本和菓子嘅一種,呈半圓形並包入紅豆餡料,用上橡樹葉包裹表層,寓意傳承。

另外,うまい鮨勘同時供應多款招牌人氣名物如廚師特選豐洲極上刺身盛。

入面又多款名貴食材,

成碗北海道海膽,超鮮甜。

仲有金目鯛。

中拖羅(圖上),大拖羅(圖下)。

太刀魚。


熟食方面,仲有鰻魚玉子燒,備受食客歡迎。


凡惠顧鯉躍黃金山盛合,即免費獲贈精心設計的鯉魚摺紙限量體驗套裝,一包有5張不同的色紙,發揮小宇宙創出自己的鯉魚。

うまい鮨勘
地址:尖沙咀廣東道3-27號海港城海運大廈地下OTG04號舖
營業時間:11:00-22:00
電話號碼:2115 9956

share by whatsapp share by line
- 延伸閱讀 -

Klook.com
【香港】尖沙咀拉麵小店!只賣三款拉麵! |香港美食|放假去邊
【香港】茶餐廳踩過界開Cafe!港式情懷少女風!|香港美食|放假去邊
【香港】尖沙咀新開墨西哥菜餐廳!歎墨西哥卷餅、檸汁油甘魚!|香港美食|放假去邊
【快閃優惠】瑰麗酒店4折住宿優惠!雙人半自助早餐+$500消費券!|香港玩樂|放假去邊
【香港】尖沙咀懷舊復古咖啡店!必試富士山飯糰、昭和布甸|香港美食|放假去邊
【香港】尖沙咀人氣石燒漢堡扒專門店!DIY和牛漢堡扒生熟程度、100%澳洲和牛|香港美食|放假去邊

  • 香港吃喝玩樂優惠
▲ 返回最上
© Copyright 2018 Global Alliance Networks Limited. All Rights Reserved