今個新年，反斗奇兵角色集齊喺Mikiki同埋新地3大商場同大家見面！

當中屯門卓爾廣場、屯門錦薈坊同埋屯門寶怡商場會特別呈獻「新春潮拜玩樂遊」，以草莓打造嘅紅粉甜心同大家分享正能量

而Mikiki亦有人氣大熱角色，好似胡迪、巴斯光年、翠絲、牧羊女寶貝、三眼仔同埋勞蘇等等

同場加映《海底奇兵》、《反斗車王》同埋《玩轉極樂園》嘅一班朋友仔分別喺屯門卓爾廣場、屯門錦薈坊同埋屯門寶怡商場登場，迪士尼粉絲記得唔好錯過啦！

今次Mikiki有6大巨型打卡場景畀大家盡情打卡，當中包括5米高嘅「三眼仔星願扭蛋機」

超吸睛嘅三眼仔造型扭蛋機上上有閃閃發光嘅星星光效裝置，其他得意角色好似火腿、毛毛同巴斯光年等亦會化身圓碌碌扭蛋現身！

由於今年情人節同新年相近，各位情侶們可以去「甜絲絲勞蘇愛心世界」嘅草莓打卡牆度影相，仲會有閃閃發光嘅心型裝置，大家一定可以sweet住過年

潮人一定唔可以錯過「至『螢』三眼仔趣拍站」，影返一系列型格照片！

商場亦邀請咗薯蛋頭先生同薯蛋頭太太為大家送上祝福，「薯蛋頭至SWEET情人卡」嘅心心佈景夠哂浪漫

「3米高胡迪寶貝童話夢」以主角胡迪同埋牧羊女寶貝做主題，仲會有巨型胡迪發光剪影，好夢幻

鍾意《海底奇兵》嘅你一定要去「海底奇兵光影浪漫遊」，可以於充滿光影的深海裝置內探險，好似置身電影一樣

記得唔好錯過「PIXAR星夜長廊」，由一眾人氣PIXAR角色化身幻彩剪影燈飾，打卡一流！

除咗多個打卡場景，Mikiki更設有「PIXAR期間限定店」，到時會發售多款限定精品，包括期間限定版襟章套裝、迷你橡皮擦膠粒粒樽等等

同時亦會推出《反斗奇兵》新年福袋套裝，又實用又美觀

而顧客於限定店內購物滿$300，即可以優惠價$30換領 「PIXAR場內限定版襟章一枚」，機會難得

Mikiki「新春潮拜玩樂遊」詳情︰
日期︰即日起至2021年3月14日
時間︰11am – 9pm
地點︰Mikiki地下中庭

屯門卓爾廣場、屯門錦薈坊及屯門寶怡商場「新春潮拜玩樂遊」詳情︰
日期︰即日起至2021年3月14日
時間︰11am – 9pm
地點︰卓爾廣場地下中庭 / 錦薈坊三樓中庭 / 寶怡商場電梯大堂