中西區一日遊 老字號美食再加文青影相位 | 假日好去處 | 放假去邊
遊點    32442 瀏覽 


share by whatsapp share by line

拍拖唔知去邊好?唔洗諗啦!今個星期小編帶大家去中西區一日遊

有老字號美食、舊式建築、文青去處、影相位,包羅萬有!

跟住呢份行程,陪女神去行街街啦,最重要係帶埋相機幫佢影相呀嘛!

小編:Jaime(IG: @ jaimehomusic

-----

由中環出發,START! 中西區係香港開埠後最早開發的地區,又係香港嘅商業中心,但而家依然可以搵到好多老字號的海味店、參茸燕窩店和中藥店等。

 

砵典乍街(石板街)

影相位!人稱為石板街嘅砵典乍街,以石塊舖蓋成一凹一凸嘅路,係香港一級歷史建築。小編去嗰日見到有人影婚紗相,證明呢度真係靚景!

地址:中環砵典乍街

 

蘭芳園

去醫肚食個午餐先!由石板街出發,沿住擺花街向前行,就會見到六十年老字號蘭芳園。

推介:招牌絲襪奶茶、金牌熱辣辣豬扒飽 $24、出位撈丁系列$51(奉送咖啡或茶, 凍飲加$2)

小編就叫咗個蔥油雞扒撈丁同凍奶茶!

地址:中環結志街2號

營業時間:7:30am-6pm

 

荷李活道

喺蘭芳園往上行一條街,就到達荷李活道。荷李活道係一條古董街,有各式各樣嘅古物、古董。

舊中區警署

舊中區警署係香港法定古蹟,屬於中區警署建築群之一。而家正進行復修工程,目前不開放參觀。(補充:建築工程於2011年11月展開,預計可於2016年下半年分階段竣工。)

地址:香港中環荷李活道10號

 

「住好啲」特色牆

影相位!呢幅係「住好啲」設計師畫嘅舊式樓宇圖案壁畫,好多人都喺度打卡!喺馬路旁邊影相時,記得注意車輛!

地址:中環荷里活道48號與嘉咸街46號交界旁

 

公利

沿住荷李活道,途經傳統老店公利,可以試下馳名嘅蔗汁、蔗汁糕。

蔗汁糕$14

 

PMQ 元創方

繼續沿住荷李活道,去到鴨巴甸街,就會望到左手邊嘅PMQ元創方。前身係荷李活道已婚警察宿舍,係香港三級歷史建築。經過活化後,2014年起成為創意中心,既係本地藝術家嘅studio,又係店舖。逐間舖睇都有排行㗎!呢度仲有幾間輕食店,想食野可以坐低嘆個tea!

行到攰想坐下嘅話,去4樓平台空中花園啦!空中花園亦係連接兩座A、B主樓嘅通道。

地址:中環鴨巴甸街35號

 

西區公眾貨物裝卸區 (Instagram Pier)

參觀完元創方,行去上環搭電車。喺石塘咀落車,往海邊步行5分鐘,就係西區公眾貨物裝卸區(Instagram Pier)喇!招牌背景有貨櫃、卡板、黃黑色燈柱,相信鍾意用IG嘅你都唔會陌生啦!呢度亦都係個影日落嘅好地方,或者坐下吹下海風。望住海,小編都忍唔住唱「聽~海哭的聲音」!

 

西港城

影完相喺石塘咀乘搭電車返去上環,參觀西港城。西港城原本係舊上環街市,改建後變成傳統行業及手工藝的商場,售賣特色工藝品及懷舊收藏品。

 

海膽屋

如果好似小編咁喺星期日去,周圍好多食肆都閂門,結果就俾小編搵到呢間日式食店!堂食、外賣都得。落單之後即刻整㗎!

推介:芝士鰻魚手卷!鰻魚食落夠冧,同芝士超夾,熱度又夠!

芝士鰻魚手卷$22、三文魚腩手卷$22、波子汽水$18

地址:上環永樂街28-34號東成商業大廈地下A舖

 

咁多景點都仲唔夠喉?睇埋我地嘅其他介紹啦!
延伸閱讀:
- – – – – – – – – – – – – – – – – – – – – – – -

放假去邊 更多好介紹:
快啲like我哋Facebook
同follow我哋Instagram啦!

share by whatsapp share by line

Klook.com
【香港】屯門市廣場推出牛年利是封!仲有牛年暢旺揮春、交通御守八達通套、開運風車|香港購物|放假去邊
【香港】迪士尼TSUM TSUM春日園遊會!首披12生肖造型同大家見面|香港玩樂|放假去邊
【香港】LEGO新年樂園登陸沙田!必睇LEGO中式庭園場景/12大打卡位/4米高林村許願樹|香港玩樂|放假去邊
【香港朗廷酒店】首創漫遊倫敦住宿體驗!$1148起住宿連雙人早餐、英倫風主題房自助攝影|香港旅遊|放假去邊
【香港】太古城中心推出特色利是封套裝!仲有大熱 Instagram 濾鏡遊戲為親友送上至潮賀詞|香港玩樂|放假去邊
【香港】親子好去處!香港樂高®探索中心門票早鳥優惠|香港玩樂|放假去邊

  • 香港吃喝玩樂優惠
▲ 返回最上
© Copyright 2018 Global Alliance Networks Limited. All Rights Reserved