令人期待嘅2018夏日東京花火大會~ 係時候出發喇!|日本旅遊|放假去邊
放假去邊!?    1844 瀏覽 

廣告

share by whatsapp share by line

夏天又到喇~ 最令人期待嘅花火大會亦準備得如火如荼~

東京有咁多個花火大會,未諗到去邊個嘅話就睇吓呢五個嚴選必去嘅花火大會先啦!

 

1. 足立花火大會

足立花火大會係東京地區較早開始舉辦嘅花火大會,雖然所放嘅花火數量唔係最多,但人氣絕對唔會少!

今年嘅主題係「夏天的花火就從足立開始」~ 一萬兩千發嘅煙火將會配合唔同嘅花火特色去呈現眼前,附近仲會有屋台小食、屋形船餐廳,等你可以盡情享受日本夏日花火祭嘅樂趣!

放花火嘅對岸西新井一側、扇大橋附近或者係尾竹橋通り一帶都係觀賞花火嘅好地方~

日期:2018年7月21日
時間:下午7:30至8:30
地點:荒川河岸
交通:由北千住站、東武鐵道小菅站、五反野站或梅島站步行15分鐘就到

 

2. 葛飾納涼花火大會

歷史悠久嘅葛飾納涼花火大會,今年將會係第52次嘅煙火演出! 一萬三千發嘅煙火爭豔齊放,有短時間內發射嘅Star Mine煙火、瀑布式嘅煙火瀑布、「和火」之稱嘅日本古老煙火等,仲有壓軸嘅盛大煙火表演,你一定唔可以錯過呀!

距離放花火現場比較近嘅新葛飾橋 (水戶街道)、千葉縣松戶市一側嘅江戶川河岸、已經廢校嘅千葉縣立松戶矢切高中空地、東京天空樹 (需收費入場)都係較少人但可以欣賞到花火嘅景點!

日期:2018年7月24日
地點:葛飾區柴又棒球場 (葛飾区柴又七丁目17番13番地先)
時間:晚上7:20至8:20
交通:由京成線柴又站步行約10分鐘就到

 

3. 隅田川花火大會

被選為東京都23區內最想參加之一嘅隅田川花火大會每年都吸引唔少人專程而嚟~ 初時舉辦純粹為咗悼念1732年死於大飢荒同霍亂嘅亡靈,時至今日已經係廣為人知、每年必到嘅花火大會之一喇!

每年第一會場舉行嘅煙火大賽都相當精彩,想感受花火大會嘅熱鬧氣氛就一定要嚟喇! 除咗隅田川河畔一帶外,你仲可以去東京鐵塔上、淺草花やしき樂園、淺草站松屋百貨2F、櫻橋等欣賞一年一度嘅隅田川花火㗎!

日期:2018年7月28日
地點:櫻橋上游至言問橋下游
時間:晚上7:00至8:30
交通:由淺草站步行15分鐘就到

 

4. 神宮外苑花火大會

神宮外苑花火大會亦好受歡迎,因為同場觀眾仲可以欣賞埋知名藝人演唱會~ 迷人花火加埋令人精神亢奮嘅熱唱,絕對係視覺、聽覺雙重享受呀!

值得一提係,花火會入場券嘅部分收益會捐作賑災之用,欣賞到花火之餘仲可以做埋慈善,相當有意義呀~

唔想人逼人嘅話,不妨考慮去明治公園、新宿SR大樓展望台、日本青年會館旁、六本木森大樓嘅City View,花火景色一樣咁靚!

日期:2018年8月11日
地點:明治神宮外苑內 (神宮球場、秩父宮ラグビー場、神宮軟式球場)
時間:下午7:30至8:30
交通:由神宮外苑站步行5分鐘就到

 

5. 東京花火大祭2018

第一次舉辦嘅新煙火大祭東京花火大祭同樣令人期待呀! 今年嘅主題係江戶時代嘅「EDOMODE」,屆時除咗有史上首個歌舞伎同煙火嘅合作表演,仲會有歌舞伎名家「市川海老藏」嘅特別演出~ 象徵東京嘅音樂、食物、藝術、科技等元素將會透過花火呈現出嚟!

日期:2018年8月11日
地點:御台場海濱公園 (東京都港區台場一丁目)
時間:晚上7:10至晚上8:30
交通:由御台場海濱公園站步行約3分鐘就到

睇完之後諗好去邊個花火大會未呢?

諗好就快啲約埋你嘅情侶、閨密或者屋企人去東京欣賞一場又精彩又浪漫嘅花火演出啦!

 

===============

放假去邊 更多好介紹:
快啲like我哋Facebook
同follow我哋Instagram啦!

share by whatsapp share by line

東京六本木浪漫「全藍色燈海」 限定聖誕先有得睇咋!|日本旅遊|放假去邊
JAL x Mickey Mouse 日航米奇老鼠90周年航班 | 日本旅遊 | 放假去邊
越南全新人氣打卡點!通往粉藍天國的白色階梯|越南旅遊|放假去邊
紅葉+櫻花同步登場!秋天賞景 必到日本中部小原交流公園|日本旅遊|放假去邊
全長800米夢幻藍色燈海 見證最浪漫嘅冬季美景!|日本旅遊|放假去邊
太誇張吧!京都8cm厚度十足招牌生銅鑼燒|日本美食|放假去邊

  • 香港豬扒飯集合!
▲ 返回最上
© Copyright 2018 Global Alliance Networks Limited. All Rights Reserved